اسلام آباد۔6نومبر (اے پی پی) وفاقی وزیر داخلہ محسن نقوی نال ترکیہ دے وزیر داخلہ علی یرلیکایا ملاقات کیتی جیندے اچ وفود دی سطح تے مذاکرات اچ دہشت گردی اتے نشے دے خلاف، انسانی اسمگلنگ، بارڈر سکیورٹی، سائبر کرائم، کوسٹ گارڈ اتے پولیس دے شعبیاں اچ تعاون ودھاوݨ تے تفصیل نال گالھ مہاڑ کیتی گئی۔ ڈوہیں ملکاں دی وزارت داخلہ وچال تعاون ودھاوݨ کیتے جوائنٹ ورکنگ گروپ دے قیام تے …
وفاقی وزیر داخلہ محسن نقوی نال ترکیہ دے وزیر داخلہ علی یرلیکایا دی ملاقات
اسلام آباد۔6نومبر (اے پی پی) وفاقی وزیر داخلہ محسن نقوی نال ترکیہ دے وزیر داخلہ علی یرلیکایا ملاقات کیتی جیندے اچ وفود دی سطح تے مذاکرات اچ دہشت گردی اتے نشے دے خلاف، انسانی اسمگلنگ، بارڈر سکیورٹی، سائبر کرائم، کوسٹ گارڈ اتے پولیس دے شعبیاں اچ تعاون ودھاوݨ تے تفصیل نال گالھ مہاڑ کیتی گئی۔ ڈوہیں ملکاں دی وزارت داخلہ وچال تعاون ودھاوݨ کیتے جوائنٹ ورکنگ گروپ دے قیام تے اتفاق کیتا ڳیا، ورکنگ گروپ ہر سال چار واری ملاقات کریسی۔ وزرائے داخلہ وچال ملاقات اچ دہشت گردی دے خلاف، امیگریشن اتے انسانی اسمگلنگ دے شعبے اچ تعاون ودھاوݨ تے اتفاق اتے پاکستان ولوں انٹر پول دے انتخابات اچ ترکیہ دی بھرپور حمایت دا اعلان کیتا ڳیا۔ ترکیہ دے وزیرِ داخلہ علی یرلیکایا وفاقی وزیر داخلہ محسن نقوی نال ون ٹو ون ملاقات کیتی اتے بعد اچ وفود دی سطح تے مذاکرات ہوئے۔ وزیر داخلہ محسن نقوی آکھیا جو انسانی اسمگلنگ اتے غیر قانونی امیگریشن ہک بین الاقوامی مسئلہ اے، ایں دے سدباب کیتے رَل تے کم کرݨا ہوسی۔ ملاقات اچ پاکستان ولوں انٹر پول دے انتخابات اچ ترکیہ دی بھرپور حمایت دا اعلان کیتا ڳیا۔ ایں موقعے تے ترکیہ دے وفد دے ارکان، وزیر مملکت داخلہ طلال چوہدری، وفاقی سیکرٹری داخلہ، اسپیشل سیکرٹری داخلہ، ایڈیشنل سیکرٹریز داخلہ، ڈی جی اے این ایف، ڈی جی ایف آئی اے، کمانڈنٹ این پی اے، آئی جی ایف سی، نیشنل کوآرڈینیٹر نیکٹا، ڈی جی این سی سی آئی اے، چیف کمشنر و آئی جی اسلام آباد اتے ڈی جی پاسپورٹ اینڈ امیگریشن وی موجود ہن۔
