وزیرِ اعظم محمد شہباز شریف دا اکتوبر دی ترسیلات زر اچ 11.9 فیصد ودھارے تے سمندر پار پاکستانیاں دا شکریہ

اسلام آباد۔ 7 نومبر (اے پی پی) وزیرِ اعظم محمد شہباز شریف اکتوبر دی ترسیلات زر اچ 11.9 فیصد ودھارے دے بعد 3.4 ارب ڈالر دی سطح پار کرݨ تے سمندر پار پاکستانیاں دا شکریہ ادا کیتے۔ جمعے کوں وزیر اعظم آفس دے میڈیا ونگ توں جاری کیتے گئے بیان موجب وزیر اعظم آکھیا جو ترسیلات زر اچ بتدریج ودھارا سمندر پار پاکستانیاں دے حکومت دی پالیسیاں اُتے اعتماد کوں نشابر کریندے۔ باہرلے ملک رہݨ آلے پاکستانی آپݨی محنت دی کمائی نال ملک اتے قوم دی خدمت اچ مصروف ہن۔ وزیرِ اعظم آکھیا جو سمندر پار پاکستانی اساݙا قیمتی اثاثہ ہن۔