اسلام آباد۔ 7 نومبر (اے پی پی) وزیراعظم محمد شہباز شریف پاکستان اچ گوگل ولوں دفتراں دے قیام اتے سرمایہ کاری دا خیرمقدم کریندے آکھیے جو ہری پوراچ گوگل دی مصنوعات دی اسمبلی لائن دا قیام چنڳی ڳالھ اے ۔وزیر اعظم دفتر دے میڈیا ونگ توں جاری بیان موجب، وزیر اعظم آکھیا جو گوگل جیھاں بین الاقوامی آئی ٹی کمپنیاں پاکستان اچ کاروبار دی سوکھ اتے سرمایہ کاری ودھاوݨ دیاں …
ہری پوراچ گوگل دی مصنوعات دی اسمبلی لائن دا قیام خوش آئند اے، وزیراعظم محمد شہباز شریف دا گوگل دی سرمایہ کاری دا خیرمقدم
مزید خبراں
اسلام آباد۔ 7 نومبر (اے پی پی) وزیراعظم محمد شہباز شریف پاکستان اچ گوگل ولوں دفتراں دے قیام اتے سرمایہ کاری دا خیرمقدم کریندے آکھیے جو ہری پوراچ گوگل دی مصنوعات دی اسمبلی لائن دا قیام چنڳی ڳالھ اے ۔وزیر اعظم دفتر دے میڈیا ونگ توں جاری بیان موجب، وزیر اعظم آکھیا جو گوگل جیھاں بین الاقوامی آئی ٹی کمپنیاں پاکستان اچ کاروبار دی سوکھ اتے سرمایہ کاری ودھاوݨ دیاں حکومت دیاں پالیسیاں اُتے اعتماد دا اظہار کریندیاں پئن۔ انہاں آکھیا جو آئی ٹی مصنوعات دی مقامی تیاری نال نہ صرف پاکستانی عوام کیتے اے مصنوعات سستیاں تھیسن بلکہ انہاں دی برآمدی صنعت دی ترقی نال زرِ مبادلہ اچ وی ودھارا تھیسی۔انہاں آکھیا جو شروع توں ہی پاکستان کوں ڈیجیٹل نیشن بݨاوݨ کیتے اقدم کوں پہلی ترجیح ݙتی، نینگراں کوں آئی ٹی شعبے اچ بااختیار بݨاوݨ کیتے حکومت ہر ممکن اقدام کریندی پئی اے۔ گوگل ولوں پاکستانی نینگراں کوں آئی ٹی دی تربیت دی مفاہمتی یادداشت ایں سلسلے دی ہک کڑی اے۔ انہاں آکھیا جو وفاقی حکومت ہک لکھ باصلاحیت نینگراں کوں لیپ ٹاپ ݙے تے انہاں کوں آئی ٹی شعبے اچ ترقی کیتے وسیلے ݙیندی پئی اے۔ پورے ملک اچ نینگراں بشمول تریمتاں کیتے آئی ٹی شعبے دے تربیتی پروگرام جاری ہن۔ وزیراعظم آکھیا جو تربیتی پروگرامز نال نینگراں دی بین الاقوامی سروس انڈسٹری اچ مقابلے اچ ودھارا تھیندا پئے اتے نینگر باعزت روزگار اچ خود کفیل تھیندے پئن۔ پاکستان کوں خطے اچ انفارمیشن ٹیکنالوجی دا مرکز بݨاوݨ کیتے مزید اقدم اُتے کم تکھے جاری اے۔ انہاں ملک اچ آئی ٹی شعبے دی ترقی کیتے وفاقی وزیر انفارمیشن ٹیکنالوجی اتے انہاں دی ٹیم دیاں کوششاں دی تعریف کیتی۔
