سپیکرقومی اسمبلی سردار ایاز صادق نال بیرسٹر گوہر علی خان دی قیادت اچ اپوزیشن وفد دی ملاقات

اسلام آباد۔ 7 نومبر (اے پی پی) سپیکر قومی اسمبلی سردار ایاز صادق نال بیرسٹر گوہر علی خان دی قیادت اچ اپوزیشن وفد پارلیمنٹ ہاؤس اچ ملاقات کیتی۔ وفد اچ سابق سپیکر قومی اسمبلی اسد قیصر سودھے اپوزیشن دے ٻئے قومی اسمبلی دے ارکان وی شامل ہن۔ قومی اسمبلی سیکرٹریٹ موجب ملاقات اچ قومی اسمبلی دے ایوان اچ قائدِ حزبِ اختلاف دی تعیناتی دے حوالے نال تفصیلی ڳالھ مہاڑ کیتی ڳئی۔ وفد اپوزیشن لیڈر مقرر کرݨ دا مطالبہ پیش کیتا۔ سپیکر قومی اسمبلی سردار ایاز صادق وفد کوں ݙسایا جو اے معاملہ فی الحال عدالت اچ زیرِ سماعت اے اتے عدالتی فیصلے توں بعد ایں تے غور کیتا ویسی۔