اسلام آباد۔ 7 نومبر(اے پی پی)وفاقی وزیر داخلہ محسن نقوی وزیر اعلیٰ خیبر پختونخوا دے سکیورٹی فورسز بارے ݙتے ڳئے بیان دی وݙی مذمت کیتی اے۔ وفاقی وزیر داخلہ محسن نقوی آکھیا جو پاکستان دے بہادر سپوتاں بارے بے بنیاد اتے حقائق دے خلاف بیان ناقابل برداشت اے، وطن دے امن کیتے جاناں وارݨ آلے بہادر افسراں اتے جواناں بارے اینڄھا بیان کوئی محب وطن نئیں ݙے سڳدا۔ جمعے کوں …
وفاقی وزیر داخلہ محسن نقوی دی وزیر اعلیٰ خیبر پختونخوا دے سکیورٹی فورسز بارے بیان دی مذمت
مزید خبراں
اسلام آباد۔ 7 نومبر(اے پی پی)وفاقی وزیر داخلہ محسن نقوی وزیر اعلیٰ خیبر پختونخوا دے سکیورٹی فورسز بارے ݙتے ڳئے بیان دی وݙی مذمت کیتی اے۔ وفاقی وزیر داخلہ محسن نقوی آکھیا جو پاکستان دے بہادر سپوتاں بارے بے بنیاد اتے حقائق دے خلاف بیان ناقابل برداشت اے، وطن دے امن کیتے جاناں وارݨ آلے بہادر افسراں اتے جواناں بارے اینڄھا بیان کوئی محب وطن نئیں ݙے سڳدا۔ جمعے کوں وزارت داخلہ توں جاری بیان دے مطابق انہاں آکھیا جو وزیر اعلیٰ خیبر پختونخوا بدگوئی کر تے ازلی دشمن کوں خوش کرݨ دی کوشش کیتی اے۔ انہاں آکھیا جو سکیورٹی فورسز دیاں لازوال قربانیاں دی پوری دنیا اتے قوم معترف اے، سکیورٹی فورسز دے افسراں اتے جواناں قیمتی جاناں قربان کر کے امن دی آبیاری کیتی اے۔ وزیر داخلہ آکھیا جو ایں صوبے دے وزیر اعلیٰ ناشکری دیاں حداں پار کر ݙتین جِتھاں سکیورٹی فورسز دے جوان ساریاں توں ودھ شہید تھئن۔ انہاں آکھیا جو کوئی وی محب وطن اینڄھا بیان ݙیوݨ بارے سوچ وی نئیں سڳدا۔ وزیر اعلیٰ خیبر پختونخوا کوں سکیورٹی فورسز دے خلاف اشتعال انگیزی اُتے قوم توں معافی منڳݨی چاہیدی اے۔
