وفاقی کابینہ27 ویں آئینی ترمیم دے مسودے دی منظوری ݙے ݙِتی، اتحادیاں نال مشاورت دے بعد متفقہ نکات کوں بل اچ رلایا ویندا پئے، وزیر قانون اعظم نذیر تارڑ

اسلام آباد۔ 8 نومبر(اے پی پی) وفاقی وزیر برائے قانون اعظم نذیر تارڑ آکھیے جو 27 ویں آئینی ترمیم دے مسودے دی وفاقی کابینہ منظوری ݙے ݙِتی اے، اتحادیاں نال مشاورت دے بعد جِنّہاں نکات تے اتفاق رائے تھئے اُنہاں کوں بل اِچ شامل کیتا ڳیا اے، جِنّہاں نکات تے اتفاق نئیں تھیا اُنہاں کوں موخر کیتا ڳئے، ججاں دے تبادلیاں دا معاملہ جوڈیشل کمیشن دے سِپرد کرݨ، آئینی عدالت دا قیام، فیلڈ مارشل دا عہدہ حیات تئیں رکھݨ دی تجویزاں 27 ویں آئینی ترمیم اچ شامل ہین۔