اسلام آباد۔ 8 نومبر(اے پی پی) وزارتِ اطلاعات و نشریات پاکستان افغان میڈیا دی پاکستان مخالف جعلی اتے گمراہ کُن خبراں دا پول کھول ݙِتا، فریب تے مبنی افغان سوشل میڈیا اکاؤنٹس پاک فوج تے مسجداں دی بے حُرمتی دا بے بنیاد الزام لایا۔ تفصیلات موجب افغان سوشل میڈیا ہینڈل کُوڑا دعویٰ کیتا جو پاک فوج مسجد اتے قرآنِ مجید دی بے حُرمتی کیتی، افغان اکاؤنٹ دی ویڈیو اچ فوجی …
وزارتِ اطلاعات و نشریات افغان میڈیا دی پاکستان مخالف جعلی اتے گمراہ کُن خبراں دا پول کھول ݙِتا، مودی دی ایماء تے پاکستان مخالف پروپیگنڈے اچ اگّو ودھݨ آلے افغان میڈیا دا کُوڑ وی بے نقاب
مزید خبراں
اسلام آباد۔ 8 نومبر(اے پی پی) وزارتِ اطلاعات و نشریات پاکستان افغان میڈیا دی پاکستان مخالف جعلی اتے گمراہ کُن خبراں دا پول کھول ݙِتا، فریب تے مبنی افغان سوشل میڈیا اکاؤنٹس پاک فوج تے مسجداں دی بے حُرمتی دا بے بنیاد الزام لایا۔ تفصیلات موجب افغان سوشل میڈیا ہینڈل کُوڑا دعویٰ کیتا جو پاک فوج مسجد اتے قرآنِ مجید دی بے حُرمتی کیتی، افغان اکاؤنٹ دی ویڈیو اچ فوجی اہلکاراں تے مسجد اچ کتیاں دے استعمال دا بے بنیاد الزام لایا ڳیا۔ وزارتِ اطلاعات و نشریات پاکستان بے بنیاد کُوڑ دا پردہ فاش کریندے ہوئیں واضح کیتا جو کہیں پاکستانی یا عالمی میڈیا مسجد یا قرآن دی مبینہ بے حُرمتی دی کوئی تصدیق نئیں کیتی، افغان اکاؤنٹس باقاعدگی نال پاکستان مخالف مواد شائع کر تے مذہبی جذبات کوں اُبھارݨ دی کوشش کریندن۔ سوشل میڈیا ویریفیکیشن ٹول موجب وائرل ویڈیو کہیں اصلی فوٹیج دی بنیاد تے نئیں ٻھل اے آئی (مصنوعی ذہانت) نال ٻݨائی ڳئی اے۔ وزارت اطلاعات و نشریات موجب کوڑی مہم دا آغاز ہِک سیاسی بیان توں تھیا جِیکوں افغان اکاؤنٹس ودھا چڑھا تے پیش کیتا، عوامی ردعمل دے بعد، 14 گھنٹے بعد افغان اکاؤنٹ اقرار کیتا جو ویڈیو اے آئی توں تیار کیتی ڳئی ہئی۔ وزارتِ اطلاعات و نشریات پاکستان موجب افغان اکاؤنٹس جعلی معلومات دی بنیاد تے مذہبی جذبات کوں سیاسی مقصد کیتے استعمال کریندے پئن، بھارت اتے افغانستان جعلی مواد دے ذریعے پاک فوج اتے ریاستی اداریاں دی نیک نامی کوں نقصان پُجاوݨ دی سازش اچ لگے ہوئِن، پاکستان اتے پاک فوج دے خلاف منفی پروپیگنڈا مہم بھارتی اتے افغان میڈیا دا وطیرہ بَݨ چُکّی ہے۔
