27 ویں آئینی ترمیم دا مسودہ ساریاں اتحادی پارٹیاں دی صلاح نال ایوان اچ پیش کریسوں، نائب وزیراعظم اسحاق ݙار

اسلام آباد۔ 9 نومبر(اے پی پی) نائب وزیراعظم اَتے وزیر خارجہ سینیٹر اسحاق ݙار آکھیے جو 27 ویں آئینی ترمیم دا مسودہ ساریاں اتحادی پارٹیاں دی صلاح نال ایوان اچ پیش کریسوں، ایں بارے کمیٹی اچ بحث جاری اے۔ ایوان بالا دے اجلاس اچ 27ویں آئینی ترمیم اُتے بحث اچ الیندے انہاں آکھیا جو 18ویں ترمیم اچ صوبہ خیبرپختونخوا دا ناں رکھیا ڳیا، ایں ترمیم اچ صرف صحت اَتے تعلیم اُتے اختلافی نوٹ آئے۔ صوبہ خیبر پختونخوا دا ناں اتفاق رائے نال رکھیا ڳیا، آئینی عدالت دا نظریہ بے نظیر بھٹو مرحومہ توں میثاق جمہوریت اچ پیش کیتا ڳیا۔ آئینی عدالت دے معاملے اُتے بانی پی ٹی آئی سودھا ٻئے سارے سیاسی رہنماواں دے دستخط ہِن۔