اسلام آباد۔11نومبر (اے پی پی) وفاقی وزیر قومی ورثہ تے ثقافت اورنگزیب خان کھچی سینیٹر عرفان صدیقی دے انتقال تے ݙکھ اتے افسوس کیتے۔ منگل کوں آپݨے تعزیتی بیان اچ انہاں آکھیا جو عرفان صدیقی دا انتقال علمی، ادبی اتے ثقافتی دنیا کیتے نہ پُر تھیوݨ آلا ضیان اے، عرفان صدیقی علم و ادب دے روشن دیوے اتے قومی فکری ورثے دے امین ہن، عرفان صدیقی ہمیش تہذیب تے ثقافت …
وفاقی وزیر اورنگزیب خان کھچی دا سینیٹر عرفان صدیقی دے انتقال تے افسوس
مزید خبراں
اسلام آباد۔11نومبر (اے پی پی) وفاقی وزیر قومی ورثہ تے ثقافت اورنگزیب خان کھچی سینیٹر عرفان صدیقی دے انتقال تے ݙکھ اتے افسوس کیتے۔ منگل کوں آپݨے تعزیتی بیان اچ انہاں آکھیا جو عرفان صدیقی دا انتقال علمی، ادبی اتے ثقافتی دنیا کیتے نہ پُر تھیوݨ آلا ضیان اے، عرفان صدیقی علم و ادب دے روشن دیوے اتے قومی فکری ورثے دے امین ہن، عرفان صدیقی ہمیش تہذیب تے ثقافت کوں ودھاوݨ کیتے رہنمائی فراہم کیتی۔ انہاں آکھیا جو ثقافتی اداریاں دی ڈاؤن سائزنگ دے چیلنج اچ عرفان صدیقی دی قیمتی رہنمائی اتے مدد ہمیش یاد رکھی ویسی، عرفان صدیقی قومی ثقافتی اداریاں دے استحکام اتے فروغ اچ عملی کردار ادا کیتا، وزارتِ ثقافت عرفان صدیقی دی رہنمائی توں مستفید رہی، انہاں دی بصیرت ہمیش رہنمائی دا ذریعہ رہسی۔ وفاقی وزیر آکھیا جو عرفان صدیقی ادب کوں قومی سنڄاݨ دا حصہ بݨایا، انہاں دی تحریراں نویں نسل کیتے سرمایۂ افتخار ہن، انہاں دی ادبی خدمات اُردو نثر، کالم نگاری اتے فکری گالھ مہاڑ دی تاریخ اچ سنہری اکھراں نال لکھی ویسن، عرفان صدیقی دے اہلِ خانہ نال دلی تعزیت اتے ہمدردی دا اظہار کریندن۔ انہاں دعا کیتی جو اللہ تعالیٰ مرحوم کوں جنت الفردوس اچ وݙا مقام عطا فرماوے اتے اہلِ خانہ کوں صبرِ جمیل ݙیوے۔
