چیئرمین سینیٹ سید یوسف رضا گیلانی دا سینیٹر عرفان صدیقی دے انتقال تے افسوس

اسلام آباد۔11نومبر (اے پی پی) چیئرمین سینیٹ سید یوسف رضا گیلانی پاکستان مسلم لیگ (ن) دے ایوانِ بالا اچ پارلیمانی لیڈر، معروف دانشور، سینئر صحافی اتے ممتاز قانون ساز سینیٹر عرفان صدیقی دے انتقال تے ݙکھ اتے افسوس کیتے۔ منگل کوں سینٹ سیکرٹریٹ توں جاری بیان موجب، چیئرمین سینیٹ آپݨے تعزیتی سنیھے اچ مرحوم سینیٹر عرفان صدیقی دی قومی خدمات، علمی و ادبی صلاحیتاں اتے پارلیمانی کردار کوں وݙے لفظاں وچ خراجِ عقیدت پیش کریندیں ہوئیں آکھیا جو عرفان صدیقی ہک سنجیدہ، باوقار اتے اصول پسند پارلیمنٹیرین ہن جنہاں ہمیش قومی مفاد، جمہوریت دے استحکام اتے عوامی فلاح و بہبود کیتے آپݨی آواز اُچی رکھی۔ چیئرمین سینیٹ مرحوم دے اہلِ خانہ نال دلی ہمدردی اتے تعزیت دا اظہار کریندیں ہوئیں دعا کیتی جو اللہ تعالیٰ سینیٹر عرفان صدیقی مرحوم کوں جنت الفردوس اچ وݙا مقام عطا فرماوے اتے انہاں دے پچھوں رہ ونجݨ آلیاں کوں اے صدمہ صبر تے حوصلے نال برداشت کرݨ دی توفیق ݙیوے۔