محمد اسحاق ڈار دا نیویارک اچ جی-77 تے چین دے وزرائے خارجہ دے سالانہ اجلاس نال خطاب

نیویارک۔26 ستمبر (اے پی پی) نائب وزیراعظم و وزیرِ خارجہ محمد اسحاق ڈار نیویارک اچ جی-77 تے چین دے وزرائے خارجہ دے سالانہ اجلاس نال خطاب اچ ترقیاتی ایجنڈے دے تحفظ تے اونکوں اقوامِ متحدہ دے محور اچ رکھݨ کیتے اتحاد دی لوڑھ تے زور ݙتا۔ ترجمان دفترِ خارجہ توں جاری بیان موجب ترقی پذیر ملکاں کوں پیش آندے چیلنجز، بشمول قرضیں دا ٻوجھ، محدود مالیاتی گنجائش، موسمیاتی کمزوریاں، تے وسیع تھیندی ٹیکنالوجی دے خلا کوں اجاگر کریندے نائب وزیرِاعظم و وزیرِ خارجہ طے شدہ اعلانات کوں ٹھوس نتیجے اچ بدالݨ دی اپیل کیتی، جیندے اچ سویلا معاہدہ دے نفاذ تے بین الاقوامی مالیاتی نظام اچ اصلاحات شامل ہن۔ انہاں ایں ڳالھ تے زور ݙتا جو مصنوعی ذہانت متعلق اقوامِ متحدہ دے ابھردے میکانزم کوں ٹیکنالوجی دے خلا کوں پر کرݨا چاہیدے تے اے یقینی بݨاوݨا چاہیدے جو ترقی پذیر ملکاں کوں عالمی اے آئی گورننس اچ بامعنی آواز حاصل تھیوے۔ انہاں بین الاقوامی ٹیکس مذاکرات دے منصفانہ نتیجے دی وی اپیل کیتی تے عالمی موسمیاتی کارروائی اچ مساوات تے مشترکہ لیکن تفریق شدہ ذمہ واریاں دے اصولاں دا اعادہ کیتا۔ نائب وزیرِاعظم و وزیرِ خارجہ ہک زیادہ منصفانہ بین الاقوامی اقتصادی نظام کوں اڳوں ودھاوݨ تے ترقی کوں اقوامِ متحدہ دے ایجنڈے دے مرکز اچ رکھݨ کیتے جی-77 تے چین دے نال نیڑے تعاون کرݨ دے پاکستان دے عزم دا اعادہ کیتا