وفاقی وزیر اطلاعات عطاء اللہ تارڑ دا سینیٹر عرفان صدیقی دے انتقال تے افسوس ، سینیٹر عرفان صدیقی اساݙی جماعت دا روشن ضمیر اتے سچے وفادار ساتھی ہن، انہاں دی تحریری بصیرت اتے شفیق شخصیت ہمیش یاد رکھی ویسی، عطاء اللہ تارڑ

اسلام آباد۔11نومبر (اے پی پی) وفاقی وزیر اطلاعات تے نشریات عطاء اللہ تارڑ مسلم لیگ (ن) دے سینئر رہنما، ممتاز سیاستدان، محقق اتے دانشور سینیٹر عرفان صدیقی دے انتقال تے ݙکھ اتے افسوس کریندیں ہوئیں آکھیا جو سینیٹر عرفان صدیقی دا انتقال نہ پُر تھیوݨ آلا علمی اتے فکری ضیان اے، او جماعت دے روشن ضمیر اتے سچے وفادار ساتھی ہن، انہاں دی تحریری بصیرت اتے شفیق شخصیت ہمیش یاد رکھی ویسی۔ منگل کوں آپݨے تعزیتی بیان اچ وفاقی وزیر اطلاعات آکھیا جو مرحوم دی زندگی علم، اخلاق اتے خدمت نال تعبیر ہئی، او اساݙے کیتے رہنمائی، محبت اتے برداشت دی علامت ہن، قوم ہمیش انہاں دے علم و کردار دی روشنی توں فیض گھنّدی رہسی۔ انہاں عرفان صدیقی کوں سلام عقیدت پیش کریندیں ہوئیں آکھیا جو مرحوم علم، وقار اتے متانت دے پیکر ہن۔ انہاں دعا کیتی جو اللہ تعالیٰ مرحوم کوں آپݨی رحمت دی ڄاہ تے وݙا مقام اتے لواحقین کوں صبر جمیل عطا فرماوے۔