راولپنڈی۔11نومبر(اے پی پی) وفاقی وزیر داخلہ اتے چیئرمین پاکستان کرکٹ بورڈ (پی سی بی) محسن نقوی راولپنڈی کرکٹ سٹیڈیم دا دورہ کیتا جتھاں انہاں پاکستان اتے سری لنکا وچال جاری ہک ݙینھ دے میچ سانڳے کیتے ڳئے سکیورٹی انتظامات دا جائزہ ڳھدا۔ محسن نقوی ایں موقع تے سکیورٹی اداریں دے افسراں نال ملاقات کیتی اتے انتظامات دے مختلف پہلوواں دا تفصیلی معائنہ کیتا۔ انہاں آکھیا جو سری لنکن کرکٹ ٹیم …
وفاقی وزیرداخلہ اتے چیئرمین (پی سی بی) محسن نقوی دا راولپنڈی کرکٹ سٹیڈیم دا دورہ
مزید خبراں
راولپنڈی۔11نومبر(اے پی پی) وفاقی وزیر داخلہ اتے چیئرمین پاکستان کرکٹ بورڈ (پی سی بی) محسن نقوی راولپنڈی کرکٹ سٹیڈیم دا دورہ کیتا جتھاں انہاں پاکستان اتے سری لنکا وچال جاری ہک ݙینھ دے میچ سانڳے کیتے ڳئے سکیورٹی انتظامات دا جائزہ ڳھدا۔ محسن نقوی ایں موقع تے سکیورٹی اداریں دے افسراں نال ملاقات کیتی اتے انتظامات دے مختلف پہلوواں دا تفصیلی معائنہ کیتا۔ انہاں آکھیا جو سری لنکن کرکٹ ٹیم کوں اسٹیٹ گیسٹ دا درجہ ݙِتا ڳئے اتے انہاں دی سکیورٹی تے کہیں وی سطح تے کوئی سمجھوتہ نہ کیتا ویسی۔انہاں آکھیا جو پاکستان وچ امن و استحکام دے نال نال کھیݙاں اتے مثبت سرگرمیاں دا ودھارا حکومت دی پہلی ترجیح اے۔ انہاں دا آکھیےجو ایجھے بین الاقوامی ایونٹس نہ صرف پاکستان دے مثبت سنڄاݨ کوں اُجاگر کریندن بلکہ عوام وچ کرکٹ دے جذبے کوں وی مزید ودھیندِن۔ محسن نقوی انتظامیہ اتے سکیورٹی اہلکاراں دی کارکردگی دی تعریف کیتی اتے ہدایت کیتی جو میچ دے دوران سارے حفاظتی اقدامات کوں ہر سطح تے یقینی بݨایا ونڄے تاں جو کھݙاریاں، آفیشلز اتے شائقین کوں بہترین اتے محفوظ ماحول ݙتا ونڄ سڳے۔
