اسلام آباد۔12نومبر (اے پی پی) وفاقی وزیر داخلہ تے چیئرمین پاکستان کرکٹ بورڈ (پی سی بی) محسن نقوی نال سری لنکا دے ہائی کمشنر ریئر ایڈمرل (ر) فریڈ سری ویراتنے ملاقات کیتی جئیں اچ سری لنکا اتے پاکستان دی کرکٹ ٹیماں دے مینجرز، پی سی بی دے چیف آپریٹنگ آفیسر سمیر احمد، چیف کمشنر اسلام آباد اتے آئی جی اسلام آباد پولیس وی شریک ہن۔ پی سی بی دے مطابق …
وفاقی وزیر داخلہ و چیئرمین پی سی بی محسن نقوی دی سری لنکا دے ہائی کمشنر ریئر ایڈمرل (ر) فریڈ سری ویراتنے نال ملاقات، سری لنکن کرکٹ ٹیم دی سکیورٹی بارے اطمینان
مزید خبراں
اسلام آباد۔12نومبر (اے پی پی) وفاقی وزیر داخلہ تے چیئرمین پاکستان کرکٹ بورڈ (پی سی بی) محسن نقوی نال سری لنکا دے ہائی کمشنر ریئر ایڈمرل (ر) فریڈ سری ویراتنے ملاقات کیتی جئیں اچ سری لنکا اتے پاکستان دی کرکٹ ٹیماں دے مینجرز، پی سی بی دے چیف آپریٹنگ آفیسر سمیر احمد، چیف کمشنر اسلام آباد اتے آئی جی اسلام آباد پولیس وی شریک ہن۔ پی سی بی دے مطابق ملاقات دے دوران چیف کمشنر اتے آئی جی اسلام آباد پولیس سری لنکن ٹیم کوں فراہم کیتی ڳئی فول پروف سکیورٹی دے حوالے نال تفصیلی بریفنگ ݙتی۔ سری لنکا دے ہائی کمشنر سکیورٹی انتظامات تے اطمینان دا اظہار کریندیں ہوئیں آکھیا جو حکومت پاکستان مہمان ٹیم کیتے بہترین اتے موثر اقدامات کیتِن۔ ایں موقع تے وزیر داخلہ محسن نقوی آکھیا جو سری لنکا دی کرکٹ ٹیم دے کھڈاری پاکستان دے اسٹيٹ گیسٹ ہِن، انہاں دی فول پروف سکیورٹی حکومت دی پہلی ترجیح اے۔ انہاں آکھیا جو مہمان کھڈاریاں کوں محفوظ اتے پُرامن ماحول فراہم کرݨ کیتے سارے ضروری اقدامات کیتے ڳئِن۔ سری لنکن ہائی کمشنر اسلام آباد اچ دہشت گرد حملے اچ قیمتی جاناں دے ضیان تے ݙکھ اتے افسوس دا اظہار کیتا۔ انہاں متاثرہ خانداناں نال دلی ہمدردی اتے حکومت پاکستان نال مکمل یکجہتی دا اظہار کیتا۔ ملاقات دے چھیکڑ تے سری لنکن ہائی کمشنر ہک واری ولا ٹیم دی سکیورٹی تے اطمینان دا اظہار کریندیں ہوئیں وزیر داخلہ محسن نقوی اتے پاکستانی اداریاں دی کوششاں کوں سراہیا۔
