چیئرمین سینیٹ سید یوسف رضا گیلانی دا فلسطینی عوام دے حوصلے اتے عزم کوں خراجِ تحسین

اسلام آباد۔12نومبر (اے پی پی) چیئرمین سینیٹ سید یوسف رضا گیلانی فلسطینی عوام دے حوصلے اتے عزم کوں خراجِ تحسین پیش کریندیں ہوئیں آکھیا جو مشرق وسطیٰ اچ پائیدار امن کیتے مسئلہ فلسطین دا منصفانہ حل ضروری اے۔ بدھ کوں سینٹ سیکرٹریٹ توں جاری بیان موجب چیئرمین سینیٹ سید یوسف رضا گیلانی نال فلسطین، روانڈا اتے الجیریا دے پارلیمانی رہنماواں انڄ انڄ ملاقاتاں کیتی ۔ چیئرمین سینیٹ بین الپارلیمانی سپیکرز کانفرنس (آئی ایس سی) اچ شرکت تے سارے پارلیمانی وفود دا شکریہ دا اظہار کیتا ۔ انہاں آکھیا جو امن، ترقی اتے خوشحالی کیتے پارلیمانی رہنماواں کوں رَل تے کردار ادا کرݨا پوسی۔ آئی ایس سی دنیا دے پارلیمانی رہنماواں کوں تجربیاں دے تبادلے دا موثر پلیٹ فارم فراہم کریندے۔ فلسطینی وفد نال ملاقات فلسطینی سپیکر روحی فتوح چیئرمین سینیٹ سید یوسف رضا گیلانی نال ملاقات کیتی۔ چیئرمین سینیٹ فلسطینی عوام دے حوصلے اتے عزم کوں خراجِ تحسین پیش کیتا۔ انہاں آکھیا جو مشرق وسطیٰ اچ پائیدار امن کیتے مسئلہ فلسطین دا منصفانہ حل ضروری ہے۔ انہاں آکھیا جو جنگ بندی دا معاہدہ خوش آئند اے جڈاں جو جنگ بندی معاہدے دی خلاف ورزیاں قابلِ مذمت ہِن۔ چیئرمین سینیٹ آکھیا جو پاکستان فلسطینی بھراواں دی سیاسی، سفارتی اتے اخلاقی حمایت جاری رکھیسی۔ فلسطینی وفد پاکستان دی حکومت، پارلیمان اتے عوام دا شکریہ ادا کیتا۔روانڈا دے سینیٹ دے صدر چیئرمین سینیٹ سید یوسف رضا گیلانی نال ملاقات کیتی۔ چیئرمین سینیٹ آکھیا جو پاکستان روانڈا دے نال تعلقات کوں اہمیت ݙیندے۔ ݙوہیں ملکاں وچال تاریخی دوستانہ تعلقات باعثِ فخر ہِن۔ انہاں ادارہ جاتی تعاون اتے کثیرالجہتی روابط دے ودھارے تے زور ݙِتّا۔ الجیریا دے پارلیمانی رُکن سعد اراؤس بین الپارلیمانی کانفرنس دے انعقاد کوں انتہائی اہم قرار ݙِتّا۔ چیئرمین سینیٹ الجیریا دی شرکت کوں بین الپارلیمانی تعاون اتے علاقائی یکجہتی دے عزم دا مظہر قرار ݙِتّا۔ انہاں آکھیا جو اے کانفرنس امن، سلامتی اتے ترقی کیتے رَلّے لائحہ عمل اچ مددگار ثابت تھیسی۔ چیئرمین سینیٹ نال ملاقات کرݨ آلے ٻئے لوکاں اچ ایران، گوئٹے مالا دے سابق صدر اتے مالدیپ دے پارلیمانی نمائندے وی شامل ہن۔