راولپنڈی۔ 3 دسمبر (اے پی پی) فیلڈ مارشل سید عاصم منیر نال بحرین نیشنل گارڈ دے کمانڈر جنرل شیخ محمد بن عیسیٰ بن سلمان الخلیفہ ملاقات کیتی ۔ آئی ایس پی آر موجب جی ایچ کیو راولپنڈی وچ تھیوݨ آلی ملاقات وچ آپت دے دلچسپی دے مختلف معاملیں، علاقائی سلامتی اَتے ݙو طرفہ دفاعی تعاون تے ڳالھ مہاڑ کیتی ڳئی ۔ فریقین پاکستان اَتے بحرین وچال موجودہ فوجی رابطیں کوں …
فیلڈ مارشل سید عاصم منیر نال بحرین نیشنل گارڈ دے کمانڈر دی ملاقات
مزید خبراں
راولپنڈی۔ 3 دسمبر (اے پی پی) فیلڈ مارشل سید عاصم منیر نال بحرین نیشنل گارڈ دے کمانڈر جنرل شیخ محمد بن عیسیٰ بن سلمان الخلیفہ ملاقات کیتی ۔ آئی ایس پی آر موجب جی ایچ کیو راولپنڈی وچ تھیوݨ آلی ملاقات وچ آپت دے دلچسپی دے مختلف معاملیں، علاقائی سلامتی اَتے ݙو طرفہ دفاعی تعاون تے ڳالھ مہاڑ کیتی ڳئی ۔ فریقین پاکستان اَتے بحرین وچال موجودہ فوجی رابطیں کوں مزید پکا کرݨ دے عزم دا اعادہ کیتے۔معزز مہمان نال ڳالھ مہاڑ کریندے فیلڈ مارشل سید عاصم منیر ݙوہیں بھرا مُلکاں وچال پراݨی بھرپی دے تعلقات تے روشنی پاتی ۔ انہاں آکھیے پاکستان سارے شعبیں وچ بحرین کیتے آپݨی لگاتار حمایت جاری رکھیسی۔معزز مہمان پاک فوج دے اُچے پیشہ ورانہ معیار دی تعریف کیتی ۔ انہاں خطے وچ امن و استحکام کیتے پاکستان دے کردار دی وی تعریف کیتی۔
