اسلام آباد۔25 ستمبر (اے پی پی) وفاقی وزیرِ خزانہ و محصولات سینیٹر محمد اورنگزیب آکھیے جو موسمیاتی تبدیلیاں دے اثرات نال نبڑݨ سانڳے کیتے ونڄݨ آلے وعدیں کوں عوام تے کمیونٹیز کیتے ٹھوس تے عملی نتیجے اچ تبدیل تھیوݨا چاہیدے۔ اے ڳالھ انہاں اقوام متحدہ دی جنرل اسمبلی دے سالانہ اجلاس دے موقع تے نیویارک اچ کلائمیٹ امپلی منٹیشن برج دے حوالے نال منعقدہ اعلیٰ سطحی تقریب نال خطاب کریندے …
موسمیاتی تبدیلیاں دے اثرات نال نبڑݨ سانڳے کیتے ڳئے وعدیں کوں ٹھوس تے عملی نتیجے اچ تبدیل تھیوݨا چاہیدے، وفاقی وزیرِ خزانہ دا نیویارک اچ اعلیٰ سطحی تقریب نال خطاب
مزید خبراں
اسلام آباد۔25 ستمبر (اے پی پی) وفاقی وزیرِ خزانہ و محصولات سینیٹر محمد اورنگزیب آکھیے جو موسمیاتی تبدیلیاں دے اثرات نال نبڑݨ سانڳے کیتے ونڄݨ آلے وعدیں کوں عوام تے کمیونٹیز کیتے ٹھوس تے عملی نتیجے اچ تبدیل تھیوݨا چاہیدے۔ اے ڳالھ انہاں اقوام متحدہ دی جنرل اسمبلی دے سالانہ اجلاس دے موقع تے نیویارک اچ کلائمیٹ امپلی منٹیشن برج دے حوالے نال منعقدہ اعلیٰ سطحی تقریب نال خطاب کریندے آکھی۔وزیرِ خزانہ موسمیاتی تبدیلیاں دے اثرات نال نبڑݨ سانڳے کیتے ونڄݨ آلے وعدیں تے موثر عملدرآمد کیتے ترائے بنیادی تقاضیں دی نشاندہی کیتی، جنہاں اچ مضبوط پالیسی فریم ورک، مالی وسائل تئیں رسائی تے ملکی سطح تے منصوبیں کوں عملی شکل ݙیوݨ دی صلاحیت شامل ہن۔ انہاں موسمیاتی پالیسی دے حوالے نال پاکستان دی پیش رفت تے ملکی وسائل، بین الاقوامی مالیاتی اداریں، کیپٹل مارکیٹس تے موسمیاتی فنڈز دے ذریعے مالی وسائل متحرک کرݨ دیاں کوششاں تے وی روشنی پاتی۔وزیرِ خزانہ آکھیا جو ادارہ جاتی ونڈ تے سرمایہ کاری دے قابل تے مالی معاونت حاصل کرݨ دے قابل منصوبیں دی کمی بدستور موثر عملدرآمد اچ رکاوٹ اے۔ پاکستان اچ 2022ء اچ آوݨ آلی چھل دا حوالہ ݙیندے انہاں آکھیا جو بین الاقوامی معاونت دے وعدیں دے باوجود مناسب منصوبیں دی عدم موجودگی پاروں کجھ مالی وسائل استعمال نی تھی سڳے۔ وفاقی وزیرِ خزانہ برج اچ پاکستان دی شرکت دا خیرمقدم کریندے شراکت داراں تے زور ݙتا جو او ایہو جیھے عملی فیصلیں تے اتفاقِ رائے پیدا کرن جہڑے ایں اقدام کوں محض مکالمے توں اڳوں ودھا تے عملی اقدامات دے پاسے گھن ونڄن۔
