کہیں وی ملک دی ترقی یا تباہی وچ صحت بنیادی عنصراے، وفاقی وزیر قومی صحت مصطفی کمال

اسلام آباد۔ 16 دسمبر (اے پی پی) وفاقی وزیر قومی صحت مصطفی کمال آکھیے جو کہیں وی ملک دی ترقی یا تباہی وچ صحت بنیادی عنصر اے، انفرادی فلاح و بہبود قومی بقا نال جُڑی ہوئی اے۔ انہاں آکھیا جے قوم کوں صحت مند نہ رکھیا ڳیا تاں ملک دا مستقبل خطرے وچ پئے ویندے۔انٹرنل مسٹیریل ہیلتھ اینڈ پاپولیشن کونسل وچ تقریب توں خطاب کریندے انہاں آکھیا جو ھک ہی بیماری کووِڈ عالمی طاقتاں کوں وی مفلوج کر ݙِتا۔ انہاں زور ݙِتا جو صحت دا نظام عوام کوں بیمار تھیوݨ توں بچاوݨ کیتے ہوندے، اساکوں لوکاں کوں بیمار تھیوݨ توں بچاوݨا اے۔