اسلام آباد۔ 16 دسمبر(اے پی پی) وفاقی وزیر خزانہ و محصولات سینیٹر محمد اورنگزیب آکھیے جو تکھے بدلݨ آلے اَتے پیچیدہ عالمی معاشی منظرنامے وچ مؤثر کردار ادا کرݨ کیتے پاکستان فعال اقتصادی سفارتکاری کیتے پر عزم اے۔ انہاں آکھیا جو پاکستان برکس دے فریم ورک وچ تعمیری کردار ادا کر سڳدے، اَتے پیداواری معاشی سرگرمی نال جُڑی فنانسنگ پاکستان دی ترجیح اے۔آذربائیجان دے خبر رساں ادارے کوں ݙِتے ڳئے …
پاکستان فعال اقتصادی سفارتکاری کیتے پرعزم اے، برکس دے فریم ورک وچ تعمیری کردار ادا کر سڳدے ہن، وزیر خزانہ محمد اورنگزیب دا بین الاقوامی میڈیا کوں انٹرویو
اسلام آباد۔ 16 دسمبر(اے پی پی) وفاقی وزیر خزانہ و محصولات سینیٹر محمد اورنگزیب آکھیے جو تکھے بدلݨ آلے اَتے پیچیدہ عالمی معاشی منظرنامے وچ مؤثر کردار ادا کرݨ کیتے پاکستان فعال اقتصادی سفارتکاری کیتے پر عزم اے۔ انہاں آکھیا جو پاکستان برکس دے فریم ورک وچ تعمیری کردار ادا کر سڳدے، اَتے پیداواری معاشی سرگرمی نال جُڑی فنانسنگ پاکستان دی ترجیح اے۔آذربائیجان دے خبر رساں ادارے کوں ݙِتے ڳئے انٹرویو وچ وزیرخزانہ آکھیا جو پاکستان اَتے آذربائیجان وچال تعلقات ہݨ ٹھوس معاشی نتیجے وچ وَٹیندے پئن، اَتے آذربائیجان پاکستان وچ تقریباً ݙو ارب ڈالر دی سرمایہ کاری دی خواہش دا اظہار کیتے۔ انہاں واضح کیتا جو آذربائیجان ولوں کوئی وی مالی معاونت امداد دی بجائے تجارت اَتے سرمایہ کاری وچ سہولت ڈیوݨ کیتے ترتیب ݙِتی ویسی۔روسی خبر رساں ایجنسی کوں انٹرویو وچ سینیٹر اورنگزیب برکس تنظیم وچ شمولیت کیتے پاکستان دی خواہش دا اعادہ کیتا۔ انہاں آکھیا جو کلی معیشت دے استحکام کوں یقینی بݨاوݨ حکومت دی پہلی ترجیح اے۔ ڈیجیٹل اثاثیں تے ڳالھ کریندے انہاں ݙسایا جو حکومت ایں شعبے کوں ھک منظم اَتے ضابطہ شدہ فریم ورک وچ گھن آوݨ کیتے کَم کریندی پئی اے۔
