پی سی بی دا سری لنکا دے خلاف ٹی ٹوئنٹی کرکٹ سیریز کیتے 15 رکنی سکواڈ دا اعلان

لاہور۔ 28 دسمبر(اے پی پی) پی سی بی سری لنکا دے خلاف ٹی ٹوئنٹی کرکٹ سیریز کیتے 15 رکنی سکواڈ دا اعلان کرݙتے ۔ کرکٹ ٹیم 4 تے 5 جنوری 2026 کوں مرحلہ وار سری لنکا روانہ تھیسی۔ سلمان علی آغا سری لنکا دے خلاف پاکستانی ٹیم دی قیادت کریسن۔ وکٹ کیپر بلے باز خواجہ نافع پہلی واری ٹی ٹوئنٹی سکواڈ وچ شامل تھئن تے شاداب خان وی مونڈھے  دی سرجری توں بعد ٹی ٹوئنٹی سکواڈ وچ واپس آڳئن۔ پاکستان تے سری لنکا وچال ترائے ٹی ٹوئنٹی انٹرنیشنل میچ 7، 9 تے 11 جنوری کوں دمبولا وچ کھیݙئے ویسن۔سکواڈ وچ شامل کھلاڑی: سلمان علی آغا، عبدالصمد، ابرار احمد، فہیم اشرف، فخر زمان، خواجہ محمد نافع، محمد نواز، محمد سلمان مرزا، محمد وسیم جونیئر، نسیم شاہ، صاحبزادہ فرحان، صائم ایوب، شاداب خان، عثمان خان تے عثمان طارق سکواڈ دا حصہ ہن