نیویارک۔23 ستمبر(اے پی پی) وزیراعظم محمد شہباز شریف سعودی عرب دے قومی ݙینھ دے موقع تے خادم الحرمین الشریفین شاہ سلمان بن عبدالعزیز آل سعود، ولی عہد شہزادہ محمد بن سلمان تے سعودی بھرا عوام کوں دلوں مبارخ ݙتی اے۔ ایکس تے ھک پوسٹ اچ وزیر اعظم محمد شہباز شریف آکھیا جو سعودی عرب دی ترقی نہ صرف مملکت بلکہ پاکستان کیتے قابلِ فخراے، میݙے بھرا محمد بن سلمان …
وزیراعظم محمد شہباز شریف دی سعودی عرب دے قومی ݙینھ دے موقع تے خادم حرمین شریفین شاہ سلمان، ولی عہد محمد بن سلمان تے سعودی عوام کوں مبارخ
مزید خبراں
نیویارک۔23 ستمبر(اے پی پی) وزیراعظم محمد شہباز شریف سعودی عرب دے قومی ݙینھ دے موقع تے خادم الحرمین الشریفین شاہ سلمان بن عبدالعزیز آل سعود، ولی عہد شہزادہ محمد بن سلمان تے سعودی بھرا عوام کوں دلوں مبارخ ݙتی اے۔ ایکس تے ھک پوسٹ اچ وزیر اعظم محمد شہباز شریف آکھیا جو سعودی عرب دی ترقی نہ صرف مملکت بلکہ پاکستان کیتے قابلِ فخراے، میݙے بھرا محمد بن سلمان دی متحرک تے دوراندیش قیادت اچ سعودی عرب خوشحالی تے جدیدیت دے سفر تے گامزن اے۔ وزیراعظم آکھیا جو پاکستان سعودی عرب دے نال اپݨے تاریخی تے آزمودہ بھرپی تے فخر محسوس کریندے جیندی بنیاد مذہب، سانجھے اعتماد تے عوام وچال پائیدار تعلقات تے مبنی اے۔ انہاں آکھیا جو ولی عہد شہزادہ محمد بن سلمان بن عبدالعزیز دی زیرِ سرپرستی اے برادرانہ تعلقات مزید تذویراتی شراکت داری اچ تبدیل تھیندے پئن جیندی بنیاد امن، سلامتی تے مسلم امہ دے اتحاد کیتے اساݙی مشترکہ وابستگی تے قائم اے، اساں ماݨ نال سٹریٹجک سانجھے دفاعی معاہدے تے مکہ مکرمہ مشترکہ دفاعی معاہدے تے دستخط کیتے۔ وزیراعظم آکھیا جو میں ایں موقع تے مملکتِ سعودی عرب دے خلاف اڄوکے حوثی حملیں بالخصوص مقدس شہر مکہ مکرمہ تے ڈرون حملے دی کوشش دی سخت ترین الفاظ اچ مذمت دا اعادہ کرینداں، حرمین شریفین دی حرمت تے سلامتی کوں لاحق کوئی وی خطرہ دنیا دے مسلماناں دے جذبات کوں شدید مجروح کریندے۔ انہاں آکھیا جو پاکستان مملکتِ سعودی عرب دی خودمختاری، سلامتی تے اسلام دے مقدس ترین مقامات دی حفاظت کیتے غیر متزلزل طور تے مملکت دے رلے کھڑے۔ پاکستان سعودی عرب برادرانہ دوستی زندہ باد دے نعرے دے نال اختتام کریندے وزیراعظم آکھیا جو میݙی دعا اے جو پاکستان تے سعودی عرب وچال بھرپی آلے تعلقات ایویں ترقی کریندے رہن
