نیویارک۔23 ستمبر (اے پی پی) نائب وزیراعظم و وزیرخارجہ سینیٹر اسحاق ڈار آکھیے جو کشمیر تے او آئی سی رابطہ گروپ اقوام متحدہ تے عالمی فورمز تے متفقہ موقف برقرار رکھن، جھیڑا کشمیر عالمی سطح تے تسلیم شدہ اے، بھارت دی طرفوں کوئی ملکی قانون، انتخابی عمل، عدالتی فیصلہ یا آبادی دے تناسب اچ تبدیلی حقِ خودارادیت دے ناقابلِ تنسیخ حق دا متبادل نی تھی سڳدا۔ ترجمان دفتر خارجہ …
کشمیر تے او آئی سی رابطہ گروپ اقوام متحدہ تے عالمی فورمز تے متفقہ موقف برقرار رکھن، نائب وزیراعظم اسحاق ڈار دا اجلاس توں خطاب
مزید خبراں
نیویارک۔23 ستمبر (اے پی پی) نائب وزیراعظم و وزیرخارجہ سینیٹر اسحاق ڈار آکھیے جو کشمیر تے او آئی سی رابطہ گروپ اقوام متحدہ تے عالمی فورمز تے متفقہ موقف برقرار رکھن، جھیڑا کشمیر عالمی سطح تے تسلیم شدہ اے، بھارت دی طرفوں کوئی ملکی قانون، انتخابی عمل، عدالتی فیصلہ یا آبادی دے تناسب اچ تبدیلی حقِ خودارادیت دے ناقابلِ تنسیخ حق دا متبادل نی تھی سڳدا۔ ترجمان دفتر خارجہ توں جاری بیان موجب نیویارک اچ اقوام متحدہ دی جنرل اسمبلی دے 81 ویں اجلاس دے موقع تے نائب وزیراعظم و وزیرخارجہ اسحاق ڈار کشمیر تے او آئی سی دے رابطہ گروپ دے وزارتی اجلاس توں خطاب کیتا۔ انہاں کشمیری عوام دی غیرمتزلزل تے اصولی حمایت تے او آئی سی دے سیکرٹری جنرل، رابطہ گروپ دے ارکان تے او آئی سی دے خصوصی ایلچی تے آزاد مستقل انسانی حقوق کمیشن دا شکریہ ادا کیتا۔ انہاں بھارت دے غیر قانونی زیرِ تسلط کشمیر اچ مسلسل سیاسی تے شہری پابندیاں تے آبادی دے تناسب، سیاسی تے ثقافتی حیثیت دی تبدیلی دیاں کوششاں کوں اجاگر کیتا۔ انہاں ایں ڳالھ دا اعادہ کیتا جو جموں وکشمیر اقوام متحدہ دی سلامتی کونسل دے ایجنڈے تے ھک بین الاقوامی تسلیم شدہ جھیڑا اے تے واضح کیتا جو کوئی وی ملکی قانون سازی، عدالتی فیصلہ، انتخابی عمل یا ڈیموگرافک تبدیلی کشمیری عوام دے ناقابلِ تنسیخ حقِ خودارادیت دا متبادل نی تھی سڳدا۔ انہاں او آئی سی رابطہ گروپ تے زور ݙتا جو او اقوام متحدہ تے ٻئے عالمی فورمز تے جموں وکشمیر دے معاملے تے متفقہ موقف برقرار رکھن۔ انہاں اقوام متحدہ دی سلامتی کونسل دی متعلقہ قرارداداں تے کشمیری عوام دیاں خواہشات موجب جھیڑا کشمیر دے منصفانہ تے پرامن حل کیتے پاکستان دے غیر متزلزل عزم دا اعادہ کیتا
