اسلام آباد۔ 28 دسمبر (اے پی پی) نائب وزیراعظم و وزیرِ خارجہ سینیٹر محمد اسحاق ڈار کوں صومالیہ دے وزیرِ خارجہ عبدالسلام عبدی علی دی طرفوں ٹیلیفونک کال موصول تھئی۔ ترجمان وزارتِ خارجہ موجب ڳالھ مہاڑ دے دوران نائب وزیراعظم و وزیرِ خارجہ صومالیہ دی خودمختاری تے علاقائی سالمیت کیتے پاکستان دی مکمل حمایت دا اعادہ کیتا تے انھاں سارے اقدامات دی مذمت کیتی جیڑھے صومالیہ دے استحکام کوں نقصان …
نائب وزیراعظم اسحاق ڈار تے صومالی وزیرِ خارجہ دے درمیان ٹیلیفونک رابطہ
اسلام آباد۔ 28 دسمبر (اے پی پی) نائب وزیراعظم و وزیرِ خارجہ سینیٹر محمد اسحاق ڈار کوں صومالیہ دے وزیرِ خارجہ عبدالسلام عبدی علی دی طرفوں ٹیلیفونک کال موصول تھئی۔ ترجمان وزارتِ خارجہ موجب ڳالھ مہاڑ دے دوران نائب وزیراعظم و وزیرِ خارجہ صومالیہ دی خودمختاری تے علاقائی سالمیت کیتے پاکستان دی مکمل حمایت دا اعادہ کیتا تے انھاں سارے اقدامات دی مذمت کیتی جیڑھے صومالیہ دے استحکام کوں نقصان پڄاوݨ سانڳے کیتے ونڄن۔ صومالی وزیرِ خارجہ پاکستان دی طرفوں صومالیہ دے نال کھڑے رہݨ تے مسلسل حمایت تے شکریہ ادا کیتا۔ انھاں اقوامِ متحدہ دی سلامتی کونسل وچ صومالیہ دے تحفظات اجاگر کرݨ کیتے پاکستان توں معاونت وی منڳی۔ نائب وزیراعظم و وزیرِ خارجہ اقوامِ متحدہ تے ٻئے کثیرالجہتی فورمز تے صومالیہ دی مکمل حمایت جاری رکھݨ دے عزم دا اعادہ کیتا۔
