وزیراعظم شہباز شریف ورلڈ اکنامک فورم دے 56 ویں سالانہ اجلاس اچ شرکت کیتے سوئٹزرلینڈ پہنچ ڳئن

وزیراعظم شہباز شریف ورلڈ اکنامک فورم دے 56 ویں سالانہ اجلاس اچ شرکت کیتے سوئٹزرلینڈ پہنچ ڳئنزیورخ۔ 20 جنوری(اے پی پی) وزیراعظم محمد شہباز شریف ورلڈ اکنامک فورم دے 56 ویں سالانہ اجلاس اچ شرکت کیتے سوئٹزرلینڈ پہنچ ڳئن۔ وزیراعظم آفس دے میڈیا ونگ ولوں جاری کیتے ڳئے بیان دے مطابق، زیورخ دے بین الاقوامی ہوائی اݙے تے جنیوا اقوامِ متحدہ اچ پاکستان دے مستقل نمائندے محمد بلال، سوئٹزرلینڈ اچ پاکستانی سفیر مرغوب سلیم اتے ٻئے سفارتی عملے وزیراعظم دا استقبال کیتا۔ ورلڈ اکنامک فورم دے اجلاس اچ شرکت کیتے نائب وزیراعظم اتے وزیر خارجہ سینیٹر محمد اسحاق ڈار، وفاقی وزیر برائے اقتصادی امور احد خان چیمہ، وفاقی وزیر خزانہ و محصولات محمد اورنگزیب، وفاقی وزیر برائے اطلاعات و نشریات عطا اللہ تارڑ اتے وزیراعظم دے معاونِ خصوصی طارق فاطمی وی وزیراعظم دے نال ہن۔ وزیراعظم ورلڈ اکنامک فورم دے 56 ویں اجلاس دے مختلف سیشنز اچ شرکت کریسن۔ اجلاس دے موقع تے وزیراعظم دی مختلف عالمی رہنماواں نال ملاقاتاں وی تھیسن۔ وزیراعظم پاکستان دی میزبانی تے ورلڈ اکنامک فورم دی شراکت داری نال تھیوݨ والی “بزنس راؤنڈ ٹیبل” اچ وی شریک تھیسن۔ وزیراعظم ورلڈ اکنامک فورم دے اجلاس اچ پاکستان دے معاشی استحکام کیتے کیتیاں ونڄݨ والیاں اصلاحات اتے پاکستان دے بہتر تھیندے ہوئے معاشی اشاریاں تے وی الیسن۔ وزیراعظم پاکستان دے استحکام کیتے “ٹرپل او” پروگرام (آرڈر، آپرچونیٹی، آپٹیمائزیشن) بارے وی ڳالھ کریسن۔