نائب وزیراعظم اتے وزیر خارجہ سینیٹر محمد اسحاق ڈار نال 56 ویں عالمی اقتصادی فورم دے موقع تے فن لینڈ دی وزیر خارجہ ایلینا والٹونن دی ملاقات، آپسی دلچسپی دے معاملیاں تے ڳالھ مہاڑ

ڈیووس۔ 21 جنوری (اے پی پی) نائب وزیراعظم اتے وزیر خارجہ سینیٹر محمد اسحاق ڈار نال ڈیووس اچ تھیوݨ آلے 56 ویں عالمی اقتصادی فورم دے موقع تے فن لینڈ دی وزیر خارجہ ایلینا والٹونن ملاقات کیتی اتے آپسی دلچسپی دے معاملیاں تے ڳالھ مہاڑ کیتی۔ بدھ دے ݙینہہ دفتر خارجہ توں جاری بیان دے مطابق ݙوہیں رہنماواں تجارت تے سرمایہ کاری سودھے اہم شعبیاں اچ پاکستان تے فن لینڈ وچال تعاون کوں مضبوط بݨاوݨ تے ایندے دائرے کوں ودھاوݨ دے عزم دا اعادہ کیتا۔ ایں موقع تے اہم علاقائی تے عالمی معاملیاں تے وی ڳالھ مہاڑ کیتی ڳئی۔ ݙوہیں پاسوں مستقبل تے مبنی تے آپسی فائدے دی شراکت داری کوں اڳوں ودھاوݨ دی اہمیت تے زور ݙتا ڳیا۔