صدرِ مملکت آصف علی زرداری ہائی کورٹس دے ایڈیشنل ججز دی توثیق تے مدتِ ملازمت اچ توسیع دی منظوری ݙے ݙتی

اسلام آباد۔ 22 جنوری (اے پی پی) صدرِ مملکت آصف علی زرداری جوڈیشل کمیشن آف پاکستان دی سفارشات دی روشنی اچ سندھ، لاہور تے پشاور ہائی کورٹس دے ایڈیشنل ججز دی توثیق تے انھاں دی مدتِ ملازمت اچ اضافے دی منظوری ݙے ݙتی اے۔ ایوانِ صدر دے میڈیا ونگ توں خمیس کوں جاری بیان دے مطابق صدرِ مملکت سندھ ہائی کورٹ کیتے جنھاں ݙاہ ایڈیشنل ججز دی توثیق کیتی اے انھاں اچ جسٹس میران محمد شاہ، جسٹس مسز تسنیم سلطانہ، جسٹس ریاضت علی سحر، جسٹس محمد حسن، جسٹس عبدالحمید بھرگی، جسٹس جان علی جونیجو، جسٹس نثار احمد بھنبھرو، جسٹس علی حیدر،  جسٹس محمد عثمان علی ہادی تے جسٹس محمد جعفر رضا شامل ہن۔ صدرِ مملکت سندھ ہائی کورٹ دے ایڈیشنل ججز جسٹس خالد حسین شاہانی تے جسٹس سید فیض الحسن شاہ دی مدتِ ملازمت اچ چھی مہینے دی توسیع دی وی منظوری ݙتی اے۔ لاہور ہائی کورٹ کیتے صدرِ مملکت جنھاں ایڈیشنل ججز دی توثیق کیتی اے انھاں اچ جسٹس حسن نواز مخدوم، جسٹس ملک وقار حیدر اعوان، جسٹس سردار اکبر علی، جسٹس سید احسن رضا کاظمی، جسٹس ملک جاوید اقبال وینس، جسٹس محمد جواد ظفر، جسٹس خالد اسحاق، جسٹس ملک محمد اویس خالد، جسٹس چوہدری سلطان محمود، جسٹس تنویر احمد شیخ تے جسٹس مسز عبیر گل خان شامل ہن۔ صدرِ مملکت لاہور ہائی کورٹ دے ایڈیشنل جج جسٹس طارق محمود باجوہ دی مدتِ ملازمت اچ وی چھی مہینے دی توسیع دی منظوری ݙتی اے۔ صدرِ مملکت پشاور ہائی کورٹ کیتے چھی ایڈیشنل ججز دی توثیق دی منظوری ݙتی اے جنھاں اچ جسٹس محمد طارق آفریدی، جسٹس عبد الفیاض، جسٹس صلاح الدین، جسٹس صادق علی، جسٹس سید مدثر امیر تے جسٹس قاضی جواد احسان اللہ شامل ہن۔ پشاور ہائی کورٹ دے ایڈیشنل ججز دی مدتِ ملازمت اچ وی چھی مہینے دی توسیع دی منظوری ݙتی ڳئی اے، انھاں اچ جسٹس مسز فرح جمشید، جسٹس انعام اللہ خان، جسٹس ثابت اللہ خان تے جسٹس اورنگزیب شامل ہن۔ اے منظوری وزیراعظم دی ایڈوائس تے ݙتی ڳئی اے۔