آئی ایم ایف دی منیجنگ ڈائریکٹر کرسٹالینا جارجیوا کوں حکومت دی معاشی اصلاحات دا ݙسائے، وزیراعظم دا “ایکس” تے سنیھا

ڈیووس۔ 22 جنوری (اے پی پی) وزیراعظم محمد شہباز شریف آئی ایم ایف دی منیجنگ ڈائریکٹر کرسٹالینا جارجیوا کوں حکومت ولوں معاشی استحکام تے اصلاحات کیتے کیتی ونڄݨ آلیاں کوششاں دا ݙسائے۔ “ایکس” تے اپݨے سنیھے اچ وزیراعظم ݙسائے جو انھاں کوں ڈیووس اچ ورلڈ اکنامک فورم دے موقع تے آئی ایم ایف دی منیجنگ ڈائریکٹر کرسٹالینا جارجیوا نال ملاقات کر تے خوشی تھئی اے۔ انھاں پاکستان دے بہتر تھیندے ہوئے معاشی اشاریاں تے ڈھانچہ جاتی اصلاحات بارے ݙسائے جیندے تے کرسٹالینا جارجیوا تعریف کیتی۔ وزیراعظم آکھیے جو اساں مالی نظم و ضبط تے پائیدار ترقی کیتے پاکستان دے مضبوط عزم کوں دہرائے تے عالمی معاشی صورتحال تے وی ڳالھ مہاڑ کیتی اے۔