اسلام آباد۔ 23 جنوری (اے پی پی) وفاقی وزیر تجارت جام کمال خان پاکستان اچ فلپائن دے سفیر ڈاکٹر ایمانوئل آر فرنینڈز نال اہم ملاقات کیتی اے۔ جمعہ دے ݙینہہ تھیوݨ آلی ایں ملاقات اچ فلپائن کوں پاکستان توں چاول دی برآمدات (ایکسپورٹ) ودھاوݨ تے ڳالھ مہاڑ تھئی۔ ملاقات دے دوران وزیر تجارت ݙسایا جو وزیراعظم صاحب دی چاول دی برآمدات کیتے نویں منڈیاں ڳولݨ اچ خاص دلچسپی اے، تے …
وفاقی وزیر تجارت جام کمال خان دی فلپائن دے سفیر ڈاکٹر ایمانوئل آر فرنینڈز نال ملاقات
اسلام آباد۔ 23 جنوری (اے پی پی) وفاقی وزیر تجارت جام کمال خان پاکستان اچ فلپائن دے سفیر ڈاکٹر ایمانوئل آر فرنینڈز نال اہم ملاقات کیتی اے۔ جمعہ دے ݙینہہ تھیوݨ آلی ایں ملاقات اچ فلپائن کوں پاکستان توں چاول دی برآمدات (ایکسپورٹ) ودھاوݨ تے ڳالھ مہاڑ تھئی۔ ملاقات دے دوران وزیر تجارت ݙسایا جو وزیراعظم صاحب دی چاول دی برآمدات کیتے نویں منڈیاں ڳولݨ اچ خاص دلچسپی اے، تے انھاں نے فلپائنی قیادت توں پاکستان توں اضافی چاول مل گھنݨ تے غور کرݨ دی باضابطہ درخواست کیتی اے۔ جام کمال آکھیے جو پاکستان زرعی پیداوار دی راہ تے ٹردا ملک اے اتے اساݙے کول برآمد کرݨ کیتے چاول دا وافر ذخیرہ موجود اے۔ انھاں آکھیے جو عالمی منڈی اچ قیمتاں دے مقابلے کیتے حکومتِ پاکستان ہک ایجھا طریقہ کار بݨائے جیندے نال پاکستانی چاول دے معیار تے قیمت کوں بہتر بݨایا ونڄ سڳے تانجو او منڈی اچ مسابقتی رہے۔ وزیر تجارت سفیر کوں ݙسایا جو وزیراعظم دی ہدایت تے فلپائن کوں چاول دی برآمدات کیتے ہک اہم شراکت دار ملک دے طور تے چݨیا ڳئے۔ سفیر ڈاکٹر ایمانوئل آر فرنانڈیز پاکستان دی ایں کوشش دی تعریف کیتی اتے اینکوں ݙو پاسہ تجارت کیتے ہک مثبت قدم قرار ݙتا۔ انھاں آکھیے جو فلپائن کوں چاول سپلائی کرݨ آلے پہلے ترائے وݙے ملکاں اچ پاکستان شامل اے اتے پاکستان اچ آپݨا مارکیٹ شیئر ودھاوݨ دی پوری صلاحیت اے۔ انھاں ݙسایا جو فروری اچ تھیوݨ آلے پاکستان-فلپائن مشترکہ اقتصادی کمیشن (جے ای سی) دے اجلاس اچ چاول دی تجارت ایجنڈے اچ سب توں اتے تھیسی۔ چاول دے علاوہ وزیر تجارت فلپائن کوں کینو دی برآمدات ودھاوݨ دی وی خواہش ظاہر کیتی۔
