اسلام آباد۔ 23 جنوری (اے پی پی) وفاقی وزیر منصوبہ بندی تے ترقی احسن اقبال آکھیے جو پاکستان سودھے 8 مسلمان ملکاں کوں موقع ملے جو او غزہ امن بورڈ دا حصہ بݨ تے فلسطین دے عوام دے حقوق تے امن کیتے آپݨا کردار ادا کرن۔ انھاں آکھیے جو پاکستان دا اسرائیل دے حوالے نال 1967 آلا ای موقف اے جو او ہک سفاک تے ظالم ملک اے، تے نتن …
پاکستان سودھے 8 مسلمان ملکاں کوں غزہ امن بورڈ دا حصہ بݨ تے فلسطینی عوام دے حقوق کیتے کردار ادا کرݨ دا موقع ملیے، وفاقی وزیر احسن اقبال
اسلام آباد۔ 23 جنوری (اے پی پی) وفاقی وزیر منصوبہ بندی تے ترقی احسن اقبال آکھیے جو پاکستان سودھے 8 مسلمان ملکاں کوں موقع ملے جو او غزہ امن بورڈ دا حصہ بݨ تے فلسطین دے عوام دے حقوق تے امن کیتے آپݨا کردار ادا کرن۔ انھاں آکھیے جو پاکستان دا اسرائیل دے حوالے نال 1967 آلا ای موقف اے جو او ہک سفاک تے ظالم ملک اے، تے نتن یاہو دے ہتھ مظلوم فلسطینیاں دے خون نال رنگے ہوئن۔ مولانا فضل الرحمان دے اعتراض تے ڳالھ کریندیں ہوئیں انھاں آکھیے جو شادی کیتے 18 سال عمر دا قنون ٻئے وی کئی اسلامی ملکاں اچ رائج اے، کیا او ملک دائرہ اسلام توں ٻاہر ہن؟ انھاں آکھیے جو پاکستان مسلم لیگ (ن) ایٹمی دھماکے کر تے ملک دی آزادی تے خودمختاری دی مثال قائم کیتی ہئی۔ انھاں آکھیے جو عالمِ اسلام دے 8 ملکاں قتل و غارت روکݨ کیتے ہک قدم چاتے، جے پاکستان ایندا حصہ نہ بݨدا تاں اپوزیشن ای آکھݨا ہئی جو پاکستان کلھا تھی ڳئے اتے ایندی سفارتکاری ناکام تھی ڳئی اے۔ اڄ اساݙی کوششاں نال سیز فائر تھئے اتے فلسطینی عوام وی ایں قدم دی تعریف کریندے پئن۔
