اسلام آباد۔ 23 جنوری(اے پی پی) صدرِ مملکت آصف علی زرداری چترال اچ برفانی تودہ ݙاھݨ نال جانی ضیان تے افسوس کیتے۔ ایوانِ صدر دے پریس ونگ توں جاری بیان دے مطابق، صدرِ مملکت جاں بحق تھیوݨ والے لوکاں دے گھر والیاں کوں پرچاوݨی ݙیندے مرحومین کیتے مغفرت اتے لواحقین کیتے صبرِ جمیل دی دعا کیتی۔ انھاں آکھیے جو شدید بارش، برف باری اتے ودھدی ٹھڈ موسمیاتی ہنگامی صورتحال دیاں …
صدرِ مملکت دا چترال اچ برفانی تودہ ݙاھݨ نال جانی ضیان تے افسوس
اسلام آباد۔ 23 جنوری(اے پی پی) صدرِ مملکت آصف علی زرداری چترال اچ برفانی تودہ ݙاھݨ نال جانی ضیان تے افسوس کیتے۔ ایوانِ صدر دے پریس ونگ توں جاری بیان دے مطابق، صدرِ مملکت جاں بحق تھیوݨ والے لوکاں دے گھر والیاں کوں پرچاوݨی ݙیندے مرحومین کیتے مغفرت اتے لواحقین کیتے صبرِ جمیل دی دعا کیتی۔ انھاں آکھیے جو شدید بارش، برف باری اتے ودھدی ٹھڈ موسمیاتی ہنگامی صورتحال دیاں واضح نشانیاں ہن، جیہڑیاں موسمیاتی تبدیلیاں دے ودھدے اثرات ݙکھیندن، موسمی تبدیلیاں دے مطابق پیشگی تیاری اتے ممکنہ نقصانات کوں گھٹ کرݨ کیتے ہک اثر رکھݨ والی حکمتِ عملی دی لوڑھ اے۔ صدرِ مملکت وفاقی، صوبائی اتے مقامی اداریاں کوں ہدایت کیتی اے جو متاثرہ علاقیاں اچ امدادی اتے بحالی دے کماں کوں تیز کیتا ونڄے اتے عوام نال مسلسل رابطہ رکھیا ونڄے۔ انھاں جدید ٹیکنالوجی دے صحیح استعمال تے زور ݙیندے آکھیے جو ویلھے تے معلومات دی فراہمی اتے عوام دے تحفظ کوں یقینی بݨاوݨ ریاست دی سب توں پہلی ذمہ داری اے۔
