اسلام آباد۔ 26 جنوری (اے پی پی) وفاقی وزیرِ داخلہ محسن نقوی ملک دے پاسپورٹ سسٹم کوں جدید بݨاوݨ کیتے ڈائریکٹوریٹ جنرل امیگریشن اینڈ پاسپورٹس اچ جدید ترین مانیٹرنگ نظام ’’شکرا‘‘ دا افتتاح کر ݙتے۔ ایں انقلابی قدم نال پاکستان دا پاسپورٹ سسٹم دنیا دے ترقی یافتہ ملکاں دے برابر تھی ڳئے، جیندے نال ملک دے اندر تے ٻاہروں رہݨ آلے پاکستانیاں کیتے پاسپورٹ دی درخواستاں تے ڈیلیوری دی رئیل …
وفاقی وزیرِ داخلہ محسن نقوی ڈائریکٹوریٹ جنرل امیگریشن اینڈ پاسپورٹس اچ جدید ترین مانیٹرنگ نظام ’’شکرا‘‘ دا باقاعدہ افتتاح کر ݙتے
اسلام آباد۔ 26 جنوری (اے پی پی) وفاقی وزیرِ داخلہ محسن نقوی ملک دے پاسپورٹ سسٹم کوں جدید بݨاوݨ کیتے ڈائریکٹوریٹ جنرل امیگریشن اینڈ پاسپورٹس اچ جدید ترین مانیٹرنگ نظام ’’شکرا‘‘ دا افتتاح کر ݙتے۔ ایں انقلابی قدم نال پاکستان دا پاسپورٹ سسٹم دنیا دے ترقی یافتہ ملکاں دے برابر تھی ڳئے، جیندے نال ملک دے اندر تے ٻاہروں رہݨ آلے پاکستانیاں کیتے پاسپورٹ دی درخواستاں تے ڈیلیوری دی رئیل ٹائم نگرانی ممکن تھیسی۔ وزیرِ داخلہ کوں بریفنگ وچ ݙسایا ڳیا جو ‘شکرا’ سسٹم (SHUKRA) ہک ڈیجیٹل ڈیش بورڈ اے پیا جیہڑا پاسپورٹ بݨݨ دے ہر مرحلے دی خودکار نگرانی کریسی۔ اے نظام دفاتر اچ رش تے پرنٹنگ اچ تاخیر دی فوری نشاندہی کریسی۔ انسانی مداخلت کوں ختم کرݨ کیتے جرمن مشیناں وی لا ݙتیاں ڳئن۔ محسن نقوی ایمرجنسی ٹریول ڈاکومنٹ دے نظام کوں وی ڈیجیٹل کر ݙتے تے شہریاں دی شکایات کیتے 24 گھنٹے کال سنٹر وی فعال کر ݙتے۔ انھاں آکھیے جو اساݙا مقصد شہریاں کوں تیز تے محفوظ سہولیاں ݙیوݨ اے، جیندے نال ایجنٹ مافیا دا رستہ ہمیشہ کیتے بند تھی ویسی۔
