بیماریاں توں بچاؤ کیتے آگاہی ٻہوں ضروری اے، بنیادی مراکزِ صحت کوں فعال کریندے پئیوں، وفاقی وزیر سید مصطفیٰ کمال

اسلام آباد۔ 27 جنوری (اے پی پی) وفاقی وزیر برائے قومی صحت سید مصطفیٰ کمال آکھیے جو بیماریاں توں بچاؤ تے انھاں تے قابو پاوݨ کیتے آگاہی ٻہوں ضروری اے، چھوٹی بیماریاں دے علاج معالجے کیتے بنیادی مراکزِ صحت (BHU) کوں فعال کریندے پئیوں۔ اے ڳالھیں انھاں ڈیجیٹلائزڈ ہیلتھ سینٹر دی تقریب نال خطاب کریندیں ہوئیں کیتا۔ انھاں آکھیے جو وزیراعظم محمد شہباز شریف تے اساݙی کوشش اے جو عوام کوں بیماریاں توں بچاؤں۔ ٹیلی میڈیسن دے ذریعے مریضاں کوں سہولتاں ݙیندے پئیوں۔ ٹیلی میڈیسن دے ذریعے ڈاکٹر گھر ٻیٹھے مریضاں دا علاج کر سڳدن۔ انھاں آکھیے جو بیماریاں توں بچاؤ کیتے آگاہی لازمی اے، کجھ کم عوام دے کرݨ دے وی ہوندن، حکومت دروازے تائیں آ سڳدی اے پر دروازہ کھول تے ٻال کوں ویکسین تساں خود کرواوݨی اے ۔ انھاں آکھیے جو احتیاط علاج توں بہتر اے پئی، ہیلتھ کیئر دا مقصد صرف علاج نئی بلکہ عوام کوں بیماریاں توں بچاوݨ اے، بنیادی مراکزِ صحت اچ 13 بیماریاں توں بچاؤ دی ویکسین ݙتی ویندی پئی اے۔