اسلام آباد۔ 27 جنوری (اے پی پی) وزیراعظم پاکستان محمد شہباز شریف ڈیجیٹل تبدیلی دا عمل تکھا کرݨ کیتے عالمی بالخصوص پردیس اچ رہݨ والے پاکستانیاں دی مہارت توں فائدہ چاوݨ تے زور ݙیندے ہوئیں آکھیے جو حکومت قومی و معاشی ترقی کیتے جدید ٹیکنالوجی کوں ورتݨ کیتے ترجیحی بنیاداں تے اقدامات کریندی پئی اے۔ انہاں اے ڳالھ پچھلے ہفتے برطانیہ دے غیر سرکاری دورے اچ مصنوعی ذہانت (AI) دے …
وزیراعظم دا پاکستان دی ڈیجیٹل اتے معاشی تبدیلی کوں تکھا کرݨ کیتے عالمی مہارت بالخصوص پردیسی پاکستانیاں دی شمولیت دی اہمیت تے زور
اسلام آباد۔ 27 جنوری (اے پی پی) وزیراعظم پاکستان محمد شہباز شریف ڈیجیٹل تبدیلی دا عمل تکھا کرݨ کیتے عالمی بالخصوص پردیس اچ رہݨ والے پاکستانیاں دی مہارت توں فائدہ چاوݨ تے زور ݙیندے ہوئیں آکھیے جو حکومت قومی و معاشی ترقی کیتے جدید ٹیکنالوجی کوں ورتݨ کیتے ترجیحی بنیاداں تے اقدامات کریندی پئی اے۔ انہاں اے ڳالھ پچھلے ہفتے برطانیہ دے غیر سرکاری دورے اچ مصنوعی ذہانت (AI) دے وݙے ماہرین دے وفد نال ملاقات اچ کیتا۔ وفد اچ بلیک راک، کیمبرج یونیورسٹی، آکسفورڈ یونیورسٹی اتے دنیا دی مشہور ٹیکنالوجی کمپنیاں دے سینئر رہنما شامل ہن۔ وزیراعظم آکھیے جو مصنوعی ذہانت ابھردی ہوئی ٹیکنالوجی کوں قومی ترجیحات اتے جامع ترقی دے مقصد نال جوڑݨا پوسی۔ انھاں ݙسایا جو حکومت عوامی خدمات کوں بہتر بݨاوݨ کیتے نجی شعبے نال رل تے کم کریندی پئی اے۔ وزیرِ مملکت بلال بن ثاقب آکھیے جو مصنوعی ذہانت ہݨ مستقبل دا تصور نئیں ٻھل حال دا ہک سنہرا موقع اے۔
