گوادر اچ اعلیٰ سطحی سیمینار تے ایگزیبیشن، گوادر کوں عالمی تجارتی مرکز بݨاوݨ دے عزم دا اعادہ

اسلام آباد۔ 28 جنوری (اے پی پی) گوادر اچ سیمینار تے ایگزیبیشن “گوادر جدید ساحلی شہر 2026” منعقد کیتی ڳئی اے، جیندے مہمانِ خصوصی وفاقی وزیر پروفیسر احسن اقبال ہن۔ انھاں آپݨے خطاب اچ آکھیے جو گوادر ہݨ صرف ہک بندرگاہ نئی بلکہ پاکستان کوں عالمی تجارت نال جوڑݨ آلا ہک تزویراتی رستہ بݨدا پئے۔ وفاقی وزیر آکھیے جو حکومت گوادر کوں جدید انفراسٹرکچر، صنعت، تجارت، لاجسٹکس تے سیاحت دا مرکز بݨاوݨ کیتے مربوط حکمتِ عملی تے عمل کریندی پئی اے ۔ انھاں زور ݙتا جو گوادر دی ترقی دا اصل مقصد مقامی آبادی کوں روزگار، تعلیم، صحت تے بجلی دی بنیادی سہولتاں فراہم کرݨ اے تاں جو ترقی دے ثمرات عام شہری تئیں پڄ سڳن۔ ایں موقع تے سینیٹر مشاہد حسین سید آکھیے جو گوادر وسطی ایشیا، مشرقِ وسطیٰ تے جنوبی ایشیا کوں جوڑݨ دی صلاحیت رکھیندے۔ ماہرین آکھیے جو گوادر پورٹ تے صنعتی زونز اچ سرمایہ کاری نال برآمدات اچ نمایاں اضافہ تھیسی۔ سیمینار دے آخر اچ ایں عزم دا اظہار کیتا ڳیا جو گوادر کوں عالمی معیار دا جدید ساحلی شہر بݨاوݨ کیتے سارے اسٹیک ہولڈرز رل تے کوششاں جاری رکھسن۔