اسلام آباد۔ 19 فروری (اے پی پی) نائب وزیراعظم تے وزیرِ خارجہ سینیٹر محمد اسحاق ڈار نیویارک وچ فلسطین بارے اقوامِ متحدہ دی سلامتی کونسل دے اعلیٰ سطح دے اجلاس دے موقع تے برطانیہ دی وزیرِ خارجہ، دولتِ مشترکہ و ترقیاتی امور یوویٹ کوپر نال ملاقات کیتی اے جیں ایں اجلاس دی صدارت کیتی ہئی۔ دفترِ خارجہ توں جاری بیان موجب نائب وزیرِاعظم و وزیرِ خارجہ سینیٹر محمد اسحاق ڈار …
وزیرِ خارجہ محمد اسحاق ڈار دی برطانیہ دی وزیرِ خارجہ یوویٹ کوپر نال ملاقات
اسلام آباد۔ 19 فروری (اے پی پی) نائب وزیراعظم تے وزیرِ خارجہ سینیٹر محمد اسحاق ڈار نیویارک وچ فلسطین بارے اقوامِ متحدہ دی سلامتی کونسل دے اعلیٰ سطح دے اجلاس دے موقع تے برطانیہ دی وزیرِ خارجہ، دولتِ مشترکہ و ترقیاتی امور یوویٹ کوپر نال ملاقات کیتی اے جیں ایں اجلاس دی صدارت کیتی ہئی۔ دفترِ خارجہ توں جاری بیان موجب نائب وزیرِاعظم و وزیرِ خارجہ سینیٹر محمد اسحاق ڈار ایں اہم اجلاس کراوݨ تے انھاں دا شکریہ ادا کیتا۔ ݙوہیں رہنماواں پاکستان تے برطانیہ دے تعلقات دا جائزہ ڳھدا تے اعلیٰ سطحی رابطیں کوں جاری رکھݨ دی اہمیت تے زور ݙتا۔ انھاں مختلف شعبیں وچ ݙوطرفہ تعاون کوں مزید مضبوط بݨاوݨ، خاص طور تے عوامی سطح تے رابطیں کوں ودھاوݨ تے اتفاق کیتا۔ ملاقات وچ اہم علاقائی تے بین الاقوامی صورتحال تے وی ڳالھ مہاڑ کیتی ڳئی تے مذاکرات، کثیر الجہتی، تے اقوامِ متحدہ دے فریم ورک سودھے موثر تعاون دے عزم دا اعادہ کیتا ڳیا۔
