اسلام آباد۔ 19 فروری(اے پی پی) نائب وزیراعظم تے وزیرِ خارجہ سینیٹر محمد اسحاق ڈار نیویارک دا ہک ݙینہہ دا دورہ مکمل کر ڳھدے۔ اپݨے دورے اچ انھاں فلسطین بارے اقوامِ متحدہ دی سلامتی کونسل دے اعلیٰ سطح دے اجلاس اچ شرکت کیتی۔ اجلاس دی صدارت برطانیہ دے وزیرِ خارجہ کیتی۔ دفترِ خارجہ توں جاری بیان دے مطابق نائب وزیراعظم نیویارک دورے اچ کئی ݙوطرفہ ملاقاتاں کیتن اتے ٻیاں اہم …
نائب وزیراعظم تے وزیرِ خارجہ سینیٹر محمد اسحاق ڈار دا نیویارک دا سرکاری دورہ مکمل
اسلام آباد۔ 19 فروری(اے پی پی) نائب وزیراعظم تے وزیرِ خارجہ سینیٹر محمد اسحاق ڈار نیویارک دا ہک ݙینہہ دا دورہ مکمل کر ڳھدے۔ اپݨے دورے اچ انھاں فلسطین بارے اقوامِ متحدہ دی سلامتی کونسل دے اعلیٰ سطح دے اجلاس اچ شرکت کیتی۔ اجلاس دی صدارت برطانیہ دے وزیرِ خارجہ کیتی۔ دفترِ خارجہ توں جاری بیان دے مطابق نائب وزیراعظم نیویارک دورے اچ کئی ݙوطرفہ ملاقاتاں کیتن اتے ٻیاں اہم سرکاری مصروفیات پوریاں کیتن۔ انھاں سلامتی کونسل دے اجلاس نال خطاب کریندے مقبوضہ مغربی کنارے اچ اسرائیل ولوں حالیہ یکطرفہ اتے غیر قانونی اقدامات دی شدید مذمت کیتی اتے انھاں کوں فوری روکݨ دا مطالبہ کیتے۔ انھاں پاکستان دے اصولی موقف دا اعادہ کریندے ہوئے فلسطینی عوام دے حقِ خود ارادیت دی حمایت کیتی۔ انھاں زور ݙتے جو جون 1967ء توں پہلے دیاں سرحداں دی بنیاد تے ہک آزاد اتے خودمختار ریاستِ فلسطین ٻݨائی ونڄے جیندا دارالحکومت القدس الشریف ہووے۔ ایں موقع تے نائب وزیراعظم مصر، اردن، انڈونیشیا اتے برطانیہ دے ہم منصب وزرائے خارجہ نال ݙوطرفہ ملاقاتاں وی کیتن۔
