ہر شہری کوں برابر دے موقع ݙیوݨ اساں ساریں دی مشترکہ ذمہ داری اے، سینیٹر شیری رحمان

اسلام آباد۔ 20 فروری (اے پی پی) پاکستان پیپلز پارٹی دی نائب صدر سینیٹر شیری رحمان آکھیے جو ہر شہری کوں برابر دے موقع ݙیوݨ تے اوکوں اپݨی محنت دے مطابق بہتر زندگی گزارݨ دے رستے ڈیوݨاں اساں ساریں دی مشترکہ ذمہ واری اے، پاکستان دا ہدف ہک منصفانہ، خوشحال، مساوی تے ماحول دوست معاشرہ قائم کرݨا ہووݨاں چاہیدے۔ عالمی یومِ سماجی انصاف دے موقع تے اپݨے پیغام وچ انھاں آکھیے جو اڄ دے ݙینھ اے عہد کرݨاں ضروری اے جو ہر شہری کوں برابر دے موقع تے انصاف تئیں مکمل رسائی حاصل ہووے، پاکستان وچ لکھاں لوک روزانہ دی بنیاد تے معاشرتی تے معاشی مدد دے محتاج ہن، ایں کیتے ریاست دی ذمہ واری اے جو او کمزور طبقیں کوں موثر تحفظ ݙیوے۔ انھاں آکھیے جو بینظیر انکم سپورٹ پروگرام لکھاں خانداناں کوں مالی مدد ݙے تے انھاں دی زندگیاں تے مثبت اثرات پاتن۔ سینیٹر شیری رحمان آکھیا جو اے پروگرام نہ صرف غربت وچ کمی دا باعث بݨئے بلکہ خواتین، ٻالاں، بزرگاں تے ٻئے کمزور طبقیں کوں تعلیم، صحت تے خوراک تئیں بہتر رسائی وی ݙیندا پئے۔ انھاں ایں ڳالھ تے زور ݙتا جو حکومت کوں مہانگ تے ماحولیاتی تبدیلی دے اثرات گھٹ کرݨ، وسائل دے صحیح استعمال تے ضروری اصلاحات تے سنجیدگی نال توجہ ڈیوݨی پوسی۔