عالمی یومِ سماجی انصاف مساوات تے انسانی وقار دے تحفظ دا پیغام ݙیندے، سینیٹر روبینہ خالد

اسلام آباد۔ 20 فروری (اے پی پی) چیئرپرسن بینظیر انکم سپورٹ پروگرام سینیٹر روبینہ خالد آکھیے جو عالمی یومِ سماجی انصاف مساوات تے انسانی وقار دے تحفظ دا پیغام ݙیندے۔ عالمی یومِ سماجی انصاف دے موقع تے اپݨے جاری پیغام وچ سینیٹر روبینہ خالد آکھیے جو کمزور طبقیں دا تحفظ ریاست دی اولین ترجیح اے، سماجی انصاف دے بغیر پائیدار تے منصفانہ معاشرہ ممکن کائنی۔ انھاں آکھیے جو بینظیر انکم سپورٹ پروگرام سماجی انصاف دے ودھارے دا عملی ذریعہ اے، خواتین تے مستحق خانداناں دا معاشی تحفظ بی آئی ایس پی دی بنیادی ترجیح اے۔ سینیٹر روبینہ خالد آکھیے جو عالمی یومِ سماجی انصاف تے ایں عزم دا اعادہ کریندوں جو کوئی شہری ترقی دے سفر وچ پچھوں نہ رہسی، سماجی تحفظ دے موثر نظام نال ہی معاشرتی ناہمواری دا خاتمہ ممکن اے۔