وفاقی وزیر داخلہ محسن نقوی دا کرنل شہزادہ گل فراز تے سپاہی کرامت شاہ کوں بھرپور خراجِ تحسین

اسلام آباد۔ 21 فروری (اے پی پی) وفاقی وزیر داخلہ محسن نقوی بنوں اچ شہید تھیوݨ آلے کرنل شہزادہ گل فراز تے سپاہی کرامت شاہ کوں زبردست الفاظ اچ خراجِ تحسین پیش کیتا اے ۔ انھاں آکھیا جو کرنل شہزادہ گل فراز جرات دی نویں تاریخ بݨائی اے اتے آپݨی جان ݙے تے دہشت گرداں دے عزائم کوں ناکام بݨائے۔ محسن نقوی آکھیا جو قوم انھاں دی عظیم قربانیاں دی ہمیشہ مقروض رہسی۔