اسلام آباد۔ 21 فروری (اے پی پی) صدرِ مملکت آصف علی زرداری بنوں اچ سکیورٹی فورسز دے قافلے تے بزدلانہ دہشت گرد حملے دی شدید مذمت کریندیں ہوئیں آکھیا جو ماہِ رمضان دے تقدس کوں پامال کرݨ آلے دہشت گرداں دا اسلام نال کوئی تعلق کائنی۔ ہفتہ کوں ایوانِ صدر دے پریس ونگ دے مطابق صدرِ مملکت دہشت گرد حملے اچ لیفٹیننٹ کرنل شہزادہ گل فراز تے سپاہی کرامت شاہ …
صدرِ مملکت آصف علی زرداری دی بنوں اچ سکیورٹی فورسز دے قافلے تے بزدلانہ دہشت گرد حملے دی شدید مذمت
اسلام آباد۔ 21 فروری (اے پی پی) صدرِ مملکت آصف علی زرداری بنوں اچ سکیورٹی فورسز دے قافلے تے بزدلانہ دہشت گرد حملے دی شدید مذمت کریندیں ہوئیں آکھیا جو ماہِ رمضان دے تقدس کوں پامال کرݨ آلے دہشت گرداں دا اسلام نال کوئی تعلق کائنی۔ ہفتہ کوں ایوانِ صدر دے پریس ونگ دے مطابق صدرِ مملکت دہشت گرد حملے اچ لیفٹیننٹ کرنل شہزادہ گل فراز تے سپاہی کرامت شاہ دی شہادت تے ݙکھ تے افسوس کیتے۔ صدر آصف علی زرداری ایں عزم دا اظہار کیتے جو فتنہ الخوارج دے خلاف آپریشنز بلا امتیاز تے بھرپور قوت نال جاری رہسن اتے قوم دے تحفظ تے کوئی سمجھوتہ نہ تھیسی۔ انھاں آکھیا جو شہداء دی عظیم قربانی قوم دا سرمایہ اے۔ صدرِ مملکت شہداء دے اہلِ خانہ نال تعزیت کیتی اتے شہداء دے درجات دی بلندی تے لواحقین کیتے صبرِ جمیل دی دعا کیتی اے۔
