لندن۔ 21 فروری (اے پی پی) وزیراعظم محمد شہباز شریف ضلع بنوں اچ فتنہ الخوارج دے دہشت گرداں ولوں سکیورٹی فورسز دے قافلے تے حملے دی شدید مذمت کریندیں ہوئیاں پاک فوج دے لیفٹیننٹ کرنل شہزادہ گل فراز تے سپاہی کرامت شاہ دی شہادت تے افسوس کیتے۔ ہفتہ کوں وزیراعظم آفس دے میڈیا ونگ توں جاری بیان دے مطابق وزیراعظم حملے اچ شہید تھیوݨ آلیاں دے درجات دی بلندی کیتے …
وزیراعظم شہباز شریف دی ضلع بنوں اچ فتنہ الخوارج دے دہشت گرداں ولوں سکیورٹی فورسز دے قافلے تے حملے دی شدید مذمت
لندن۔ 21 فروری (اے پی پی) وزیراعظم محمد شہباز شریف ضلع بنوں اچ فتنہ الخوارج دے دہشت گرداں ولوں سکیورٹی فورسز دے قافلے تے حملے دی شدید مذمت کریندیں ہوئیاں پاک فوج دے لیفٹیننٹ کرنل شہزادہ گل فراز تے سپاہی کرامت شاہ دی شہادت تے افسوس کیتے۔ ہفتہ کوں وزیراعظم آفس دے میڈیا ونگ توں جاری بیان دے مطابق وزیراعظم حملے اچ شہید تھیوݨ آلیاں دے درجات دی بلندی کیتے دعا کیتی اتے انھاں دے خاندان نال دلی ہمدردی دا اظہار کیتے۔ وزیراعظم فتنہ الخوارج دے مذموم عزائم کوں ناکام بݨیندیں ہوئیں پنج دہشت گرداں کوں ہلاک کرݨ تے سکیورٹی فورسز دی پذیرائی کیتی اے۔ انھاں آکھیا اے جو فتنہ الخوارج ولوں رمضان دے بابرکت مہینے اچ دہشت گردی دی کوشش ایں گالھ دا ثبوت اے جو دہشت گرد دا کوئی مذہب کائنی ہوندا۔ وزیراعظم آکھیا جو عزم استحکام دے وژن دے تحت سکیورٹی فورسز دہشت گردی دے خلاف وݙی کامیابیاں حاصل کریندیاں پئن اتے پوری قوم انھاں دے نال کھڑی اے۔
