اسلام آباد۔ 22 فروری (اے پی پی) چیئرمین سینیٹ سید یوسف رضا گیلانی آکھیا جو اسکائوٹس نوجوان نسل دی کردار سازی، نظم و ضبط، حب الوطنی تے انسانیت دی خدمت دے جذبے کوں ودھاوݨ اچ اہم کردار ادا کریندے پئن ۔ عالمی یومِ اسکائوٹس دے موقع تے آپݨے سنیھے اچ اسکائوٹس دی خدمات کوں خراجِ تحسین پیش کریندیں ہوئیں انھاں آکھیا جو اسکائوٹ تحریک نوجواناں کوں مثبت سرگرمیاں آلے پاسے …
پاکستان اچ اسکائوٹنگ دے فروغ تے نوجواناں دی فلاح و بہبود کیتے ہر ممکن اقدامات جاری رکھے ویسن، چیئرمین سینیٹ سید یوسف رضا گیلانی دا عالمی یومِ اسکائوٹس دے موقع تے سنیھا
اسلام آباد۔ 22 فروری (اے پی پی) چیئرمین سینیٹ سید یوسف رضا گیلانی آکھیا جو اسکائوٹس نوجوان نسل دی کردار سازی، نظم و ضبط، حب الوطنی تے انسانیت دی خدمت دے جذبے کوں ودھاوݨ اچ اہم کردار ادا کریندے پئن ۔ عالمی یومِ اسکائوٹس دے موقع تے آپݨے سنیھے اچ اسکائوٹس دی خدمات کوں خراجِ تحسین پیش کریندیں ہوئیں انھاں آکھیا جو اسکائوٹ تحریک نوجواناں کوں مثبت سرگرمیاں آلے پاسے ڳھن آوݨ تے انھاں کوں معاشرے دا ذمہ دار شہری بݨاوݨ اچ نمایاں حیثیت رکھیندی اے۔ سینیٹ سیکرٹریٹ توں جاری بیان اچ چیئرمین سینیٹ آکھیا جو پاکستان دے اسکائوٹس قدرتی آفات، ہنگامی حالات تے سماجی خدمات دے مختلف شعبیاں اچ ہمیشہ ودھ چڑھ تے حصہ گھدے، انھاں اسکائوٹس دے عالمی ڈینہوار دے موقع تے ایں عزم دا اعادہ کیتا جو پاکستان وچ اسکائوٹنگ دے فروغ تے نوجواناں دی فلاح و بہبود کیتے ہر ممکن اقدامات جاری رکھے ویسن ۔
