اسلام آباد۔ 22 فروری (اے پی پی) صدرِ مملکت آصف علی زرداری نوجواناں دی کردار سازی تے زور ݙیندیں ہوئیں آکھیا جو اسکائوٹس کوں گرین تے موسمیاتی لحاظ نال محفوظ پاکستان کیتے متحرک ہووݨا چاہیدے۔ عالمی یومِ اسکائوٹس جیہڑا اتوار کوں منایا ویندا پئے، ایں موقع تے آپݨے سنیھے اچ صدرِ مملکت پاکستان بوائے اسکائوٹس ایسوسی ایشن دے پنڄ لکھ توں ودھ اسکائوٹس کوں مبارکباد ݙتی اے۔ ایوانِ صدر دے …
اسکائوٹس کوں گرین تے موسمیاتی لحاظ نال محفوظ پاکستان کیتے متحرک ہووݨا چاہیدے، صدرِ مملکت آصف علی زرداری دا عالمی یومِ اسکائوٹس تے سنیھا
اسلام آباد۔ 22 فروری (اے پی پی) صدرِ مملکت آصف علی زرداری نوجواناں دی کردار سازی تے زور ݙیندیں ہوئیں آکھیا جو اسکائوٹس کوں گرین تے موسمیاتی لحاظ نال محفوظ پاکستان کیتے متحرک ہووݨا چاہیدے۔ عالمی یومِ اسکائوٹس جیہڑا اتوار کوں منایا ویندا پئے، ایں موقع تے آپݨے سنیھے اچ صدرِ مملکت پاکستان بوائے اسکائوٹس ایسوسی ایشن دے پنڄ لکھ توں ودھ اسکائوٹس کوں مبارکباد ݙتی اے۔ ایوانِ صدر دے میڈیا ونگ ولوں جاری بیان دے مطابق صدرِ مملکت آکھیا جو اسکائوٹنگ نوجواناں دی جسمانی، ذہنی تے روحانی نشوونما اچ اہم کردار ادا کریندی اے ۔ صدرِ مملکت نوجواناں دی کردار سازی تے توجہ ݙیوݨ دی لوڑھ تے زور ݙیندیں ہوئیں آکھیا جو قائد اعظم اسکائوٹنگ کوں نوجواناں دی کردار سازی کیتے اہم قرار ݙتا ہئی ۔ اسکائوٹس کوں گرین تے موسمیاتی لحاظ نال محفوظ پاکستان کیتے متحرک ہووݨا چاہیدے ۔ انھاں نشے توں پاک تے ڈیجیٹل طور تے بااختیار قوم بݨاوݨ کوں اہم قرار ڈیندیں ہوئیں آکھیا جو ہنگامی حالات تے ڈیزاسٹر مینجمنٹ اچ اسکائوٹس دا کردار بہت ضروری اے۔ انھاں پاکستان توں پولیو دے خاتمے اچ اسکائوٹس دی فعال شمولیت کوں وی لازمی قرار ݙتے۔ صدرِ مملکت آکھیا اے جو پاکستان بوائے اسکائوٹس ایسوسی ایشن عالمی سطح تے ٻیا موثر کردار ادا کریسی اتے اسکائوٹس قوم دی تعمیر اچ موثر محرک ثابت تھیسن۔
