صدقہ فطر ڳھٹ توں ڳھٹ 300 روپے فی بندہ مقرر کیتا ڳئے

اسلام آباد۔ 22 فروری (اے پی پی) ایں سال صدقہ فطر تے فدیہ دی ڳھٹ توں ڳھٹ رقم 300 روپے فی بندہ مقرر کیتی ڳئی اے، جیندے نرخ کھاوݨ پیوݨ دی چیزاں دے حساب نال مارکیٹ دی قیمت دے مطابق مقرر کیتے ڳئن ۔ حکومت ولوں سبسڈی آلے اٹے دی بنیاد تے ادائیگی کرݨ آلیاں کیتے اے رقم 200 روپے اے، جڈانجو جو تے 1100 روپے، کھجور تے 1600 روپے، کشمش تے 3800 روپے تے خشک انگور (منقعہ) تے 5400 روپے لاگو تھیندن۔30 قضا روزیاں دا فدیہ کݨک دے حساب نال 9000 روپے، جو 33000 روپے، کھجور 48000 روپے، کشمش 114000 روپے تے خشک انگور دی قیمت اچ 116200 روپے مقرر کیتا ڳئے۔ جیہڑے لوک سبسڈی آلے آٹے دے حساب نال ادائیگی کریسن، انھاں کیتے اے رقم 6000 روپے اے۔ اسلامی نظریاتی کونسل دے چیئرمین ڈاکٹر راغب حسین نعیمی آکھیا جو اے رقم شرعی اصولاں دے مطابق مقرر کیتی ڳئی اے تانجو لوکاں کوں عید توں پہلے آپݨی ذمہ واری پوری کرݨ اچ سوکھ تھیوے۔ انھاں آکھیا اے جو صدقہ فطر ہر مسلمان تے فرض اے۔