سکیورٹی فورسز دی بلوچستان دے ضلع پشین اچ دہشت گرداں دی موجودگی دی اطلاع تے کامیاب کارروائی، خودکش حملہ آور سودھے فتنہ الخوارج دے 5 دہشت گرد جہنم واصل تھی ڳئن، آئی ایس پی آر

راولپنڈی۔ 23 فروری (اے پی پی) بلوچستان دے ضلع پشین اچ سکیورٹی فورسز دہشت گرداں دی موجودگی دی اطلاع تے کامیاب کارروائی کریندیں ہوئیں خودکش حملہ آور سمیت فتنہ الخوارج دے 5 دہشت گرداں کوں جہنم واصل کر ݙتے ۔ آئی ایس پی آر دے مطابق 22 فروری 2026 کوں سکیورٹی فورسز بلوچستان دے ضلع پشین اچ بھارتی پراکسی فتنہ الخوارج توں تعلق رکھݨ آلے خارجیاں دی موجودگی دی اطلاع تے انٹیلی جنس دی بنیاد تے آپریشن کیتا ۔ آپریشن دے دوران سکیورٹی فورسز مختلف ہتھیاراں دے ذریعے خارجیاں دی پوری تشکیل کوں موثر طریقے نال نشانہ بݨایا ۔ شدید فائرنگ دے تبادلے دے بعد ہک خودکش بمبار خارجی بزدلی دا مظاہرہ کریندیں ہوئیں آپݨے آپ کوں دھماکے نال اݙا ݙتا جڈانجو بھارت دے زیرِ سرپرستی ٻئے 4 خارجیاں کوں جہنم واصل کر ݙتا ڳیا۔ مارے گئے خارجیاں دے قبضے توں اسلحہ، گولہ بارود تے دھماکہ خیز مواد وی برآمد تھیا ۔ اے دہشت گرد علاقے اچ دہشت گردی دے کئی واقعیاں اچ شامل ہن ۔ علاقے اچ موجود کہیں وی ٻئے بھارتی سرپرست یافتہ دہشت گرد دے خاتمے کیتے “سینیٹائزیشن آپریشن” جاری اے۔ نیشنل ایکشن پلان دی وفاقی ایپکس کمیٹی دے منظور شدہ وژن “عزمِ استحکام” دے تحت سکیورٹی فورسز تے پاکستان دے قانون نافذ کرݨ آلے اداریاں ولوں دہشت گردی دے خلاف اے مہم پوری قوت نال جاری رہسی تانجو ملک توں غیر ملکی سرپرستی اچ چلݨ آلی دہشت گردی دی لعنت دا مکمل خاتمہ کیتا ون٘ڄ سڳے۔