چیئرمین سینیٹ سید یوسف رضا گیلانی دی زیرِ صدارت ہاؤس بزنس ایڈوائزری کمیٹی دا اجلاس

اسلام آباد۔ 23 فروری(اے پی پی(سینیٹ دی ہاؤس بزنس ایڈوائزری کمیٹی دا اجلاس چیئرمین سینیٹ سید یوسف رضا گیلانی دی زیرِ صدارت منعقد تھیا ۔ اجلاس وچ سینیٹ دے 359ویں اجلاس دے دوران زیرِ غور آوݨ آلے قانون سازی دے امور تے تفصیلی مشاورت کیتی ڳئی ۔ کمیٹی اڳلے اجلاس دے ایجنڈے تے تھیوݨ آلی قانون سازی دا جائزہ ڳھدا تے اہم قومی و بین الاقوامی امور تے بحث کوں وی اجلاس دے ایجنڈے دا حصہ بݨاوݨ تے اتفاق کیتا ۔ ہاؤس بزنس ایڈوائزری کمیٹی اے فیصلہ کیتے جو سینیٹ دا موجودہ اجلاس 3 مارچ 2026ء تئیں جاری رہݨ دا امکان اے۔ کمیٹی اجلاس وچ قائدِ حزبِ اختلاف سینیٹ سینیٹر راجہ ناصر عباس، سینیٹر رانا ثناء اللہ خان، سینیٹر شیری رحمان، سینیٹر منظور احمد، سینیٹر حاجی ہدایت اللہ خان، سینیٹر کامران مرتضیٰ، سینیٹر امیر ولی الدین چشتی، سینیٹر کامل علی آغا، وفاقی وزیر قانون و انصاف سینیٹر اعظم نذیر تارڑ، وفاقی وزیر پارلیمانی امور ڈاکٹر طارق فضل چوہدری تے سیکریٹری سینیٹ سید حسنین حیدر شرکت کیتی اے۔ سیکریٹری سینیٹ کمیٹی کوں موجودہ اجلاس دے دوران نبیڑئے ونڄݨ آلے قانون سازی دے امور تے تفصیلی بریفنگ ݙتی۔