اسلام آباد۔ 23 فروری (اے پی پی) وزیراعظم دے مشیر سیاسی و عوامی امور رانا ثناء اللہ آکھیے جو جمہوریت تصادم تے تعطل دی بجائے مکالمے نال تکڑی تھیندی اے۔ انھاں سینیٹ وچ قائدِ حزبِ اختلاف راجہ ناصر عباس دی طرفوں چاتے ڳئے مختلف نکات دا جواب ݙیندے ہوئیں اپوزیشن تے زور ݙتا جو او قومی مسئلیں دے حل تے جمہوری اداریں دے استحکام کیتے سیاسی عمل وچ فعال کردار …
جمہوریت تصادم تے تعطل دی بجائے مکالمے نال تکڑی تھیندی اے، رانا ثناء اللہ
اسلام آباد۔ 23 فروری (اے پی پی) وزیراعظم دے مشیر سیاسی و عوامی امور رانا ثناء اللہ آکھیے جو جمہوریت تصادم تے تعطل دی بجائے مکالمے نال تکڑی تھیندی اے۔ انھاں سینیٹ وچ قائدِ حزبِ اختلاف راجہ ناصر عباس دی طرفوں چاتے ڳئے مختلف نکات دا جواب ݙیندے ہوئیں اپوزیشن تے زور ݙتا جو او قومی مسئلیں دے حل تے جمہوری اداریں دے استحکام کیتے سیاسی عمل وچ فعال کردار ادا کرے۔رانا ثناء اللہ آکھیا جو موجودہ حکومت ہمیشہ اپوزیشن کوں دعوت ݙتی اے جو او اڳوں ودھے تے معاملیں کوں ڳالھ مہاڑ دے ذریعے حل کیتا ونڄے، حکومت چاہندی اے جو اپوزیشن جمہوری عمل وچ موثر کردار ادا کرے تاں جو افسوس اے جو اپوزیشن سیاسی عمل دا حصہ بݨݨ تے آمادہ کائنی جیندے پاروں ول ول تعطل دی کیفیت پیدا تھیندی پئی اے ۔ بانی پی ٹی آئی کوں صحت دیاں سہولتاں ݙیوݨ دے حوالے نال انھاں آکھیے جو قانون موجب ساریاں دستیاب سہولتاں ݙتیاں ویندیاں پئن، سپریم کورٹ دی ہدایات تے جیل وچ بانی پی ٹی آئی دا ڈاکٹراں دے پینل دے ذریعے طبی معائنہ وی کرایا ڳئے۔ بانی پی ٹی آئی دے خلاف مقدمیں بارے انھاں آکھیے جو عدالتاں ہی مناسب فورم ہن تے او قانون موجب ریلیف ݙے سگدیاں ہن۔
