ڈیرہ اسماعیل خان اچ سکیورٹی فورسز دی دہشت گرداں دے خلاف وݙی کارروائی، فتنہ الخوارج دے 4 دہشتگرد ہلاک

راولپنڈی۔ 23 فروری(اے پی پی) خیبر پختونخوا دے ضلع ڈیرہ اسماعیل خان اچ سکیورٹی فورسز دہشتگرداں دے خلاف وݙی کارروائی کریندے فتنہ الخوارج دے 4 دہشت گرداں کوں ہلاک کر ݙتے۔ آئی ایس پی آر دے مطابق 23 فروری 2026ء کوں سکیورٹی فورسز انٹیلی جنس دی بنیاد تے ضلع ڈیرہ اسماعیل خان اچ ہک آپریشن کیتے جتھاں بھارتی پراکسی ’فتنہ الخوارج‘ نال جڑیے خارجیاں دی موجودگی دی اطلاع ملی ہئی۔ آپریشن اچ فورسز خارجیاں دے ٹھکاݨے کوں موثر طریقے نال نشانہ ٻݨائے۔ شدید فائرنگ دے تبادلے دے بعد چار خارجیاں کوں جہنم واصل کر ݙتا ڳئے۔ ہلاک تھیوݨ والے بھارتی سرپرستی یافتہ خارجیاں دے قبضے توں اسلحہ اتے گولہ بارود وی ملیے۔ اے دہشت گرد علاقے اچ دہشت گردی دے کئی واقعیاں اچ شامل ہن۔ علاقے اچ کہیں وی ٻئے بھارتی سرپرستی یافتہ خارجی دے خاتمے کیتے کلیئرنس آپریشن جاری اے۔ سکیورٹی فورسز اتے پاکستان دے قانون نافذ کرݨ والے اداریاں ولوں نیشنل ایکشن پلان دی وفاقی ایپکس کمیٹی دے منظور شدہ وژن ’’عزمِ استحکام‘‘ دے تحت دہشت گردی دے خلاف جاری اے بلا امتیاز مہم پوری قوت نال جاری رہسی تاں جو ملک توں غیر ملکی سرپرستی اچ تھیوݨ والی دہشت گردی دی لعنت کوݨ منݙھو مکایا ونڄ سڳے۔