وزیراعظم شہباز شریف اج امیرِ قطر شیخ تمیم بن حمد الثانی تے وزیراعظم شیخ محمد بن عبد الرحمان بن جاسم الثانی نال ملاقاتاں کریسن

دوحہ۔ 24 فروری (اے پی پی) وزیراعظم محمد شہباز شریف اڄ منگل کوں امیرِ قطر شیخ تمیم بن حمد الثانی تے قطر دے وزیراعظم شیخ محمد بن عبد الرحمان بن جاسم الثانی نال ملاقاتاں کریسن جنھاں اچ ݙوپاسہ تعلقات کوں ٻیا مضبوط بݨاوݨ دے حوالے نال گالھ مہاڑ تھیسی ۔ وزیراعظم آفس دے میڈیا ونگ ولوں جاری بیان دے مطابق قطر دے وزیراعظم، وزیراعظم پاکستان محمد شہباز شریف تے انھاں دے وفد دے اعزاز اچ افطار ڈنر وی ڈیسن اے ۔ وزیراعظم نال قطر دے نائب وزیراعظم و وزیرِ مملکت برائے دفاعی امور تے قطر دے وزیر برائے بیرونی تجارت دی ملاقاتاں وی متوقع ہن ۔ وزیراعظم نال قطر بزنس مین ایسوسی ایشن دا ہک وفد وی ملاقات کریسی۔