اسلام آباد۔ 24 فروری (اے پی پی) سپیکر قومی اسمبلی سردار ایاز صادق کرک اچ ایف سی دے قلعے تے دہشت گرداں دے کواڈ کاپٹر ڈرون حملے دی شدید لفظاں اچ مذمت کیتی اے ۔ منگل کوں آپݨے ہک مذمتی بیان اچ انھاں حملے اچ زخمی تھیوݨ آلے اہلکاراں کوں ہسپتال گھن ون٘ڄݨ آلی ایمبولینساں تے دہشت گرداں دے ولا حملے دی وی مذمت کیتی اتے آکھیا جو کرک اچ …
سپیکر قومی اسمبلی سردار ایاز صادق دی کرک اچ ایف سی دے قلعے تے دہشت گرداں دے کواڈ کاپٹر ڈرون حملے دی شدید لفظاں اچ مذمت
اسلام آباد۔ 24 فروری (اے پی پی) سپیکر قومی اسمبلی سردار ایاز صادق کرک اچ ایف سی دے قلعے تے دہشت گرداں دے کواڈ کاپٹر ڈرون حملے دی شدید لفظاں اچ مذمت کیتی اے ۔ منگل کوں آپݨے ہک مذمتی بیان اچ انھاں حملے اچ زخمی تھیوݨ آلے اہلکاراں کوں ہسپتال گھن ون٘ڄݨ آلی ایمبولینساں تے دہشت گرداں دے ولا حملے دی وی مذمت کیتی اتے آکھیا جو کرک اچ ایف سی اہلکاراں تے بزدلانہ حملہ انتہائی افسوس ناک اے۔ ایمبولینس اچ زخمی ایف سی اہلکاراں تے ریسکیو عملے کوں نشانہ بݨاوݨ انسانیت سوز فعل اے۔ ایمبولینس تے حملہ تے زخمیاں کوں جیندا ساڑݨ درندگی دی بدترین مثال اے۔ ایجھے درندہ صفت دہشت گرد عناصر نال آہنی ہتھاں نال نبڑیا ویسی۔ دہشت گرد انسانیت دے دشمن ہن انھاں دا کہیں مذہب نال کوئی تعلق کائنی ۔ سپیکر قومی اسمبلی شہید ایف سی اہلکاراں تے ایمبولینس دے عملے کوں خراجِ عقیدت پیش کیتا اتے آکھیا جو قوم آپݨے شہداء دی انھاں قربانیاں کوں سلام پیش کریندی اے۔ سپیکر سردار ایاز صادق زخمیاں دی تکھے صحتیابی کیتے دعا کیتی اے اتے آکھیا جو ݙکھ دی ایں گھڑی اچ متاثرہ خانداناں دے ݙکھ اچ برابر دے شریک ہن۔ دہشت گردی دے ناسور دے مکمل خاتمے کیتے پوری قوم پاک افواج تے سکیورٹی فورسز نال کھڑی اے۔ سپیکر سردار ایاز صادق شہداء دے درجات دی بلندی تے سوگوار خانداناں کیتے صبرِ جمیل دی دعا وی کیتی۔
